ಆರ್ಡರ್‌ಲಿ ಕೆಲಸಕ್ಕೆ ಡಿ ದರ್ಜೆ ನೌಕರರು: ಡಿಜಿಪಿ ಚಿಂತನೆ

Team Udayavani, Jan 12, 2017, 3:45 AM IST

ಚಿಕ್ಕಮಗಳೂರು: ಆರ್ಡರ್‌ಲಿ ಕೆಲಸಕ್ಕೆ ಡಿ ಗ್ರೂಪ್‌ ನೌಕರರನ್ನು ನೇಮಿಸಿಕೊಳ್ಳುವ ಪ್ರಸ್ತಾವನೆಯನ್ನು ಸರ್ಕಾರಕ್ಕೆ ಕಳುಹಿಸಲಾಗಿದೆ ಎಂದು ರಾಜ್ಯ ಪೊಲೀಸ್‌ ಮಹಾ ನಿರ್ದೇಶಕ ಓಂ ಪ್ರಕಾಶ್‌ ತಿಳಿಸಿದರು.

ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ರಾಜ್ಯ ಸರ್ಕಾರ ಆರ್ಡರ್‌ಲಿ ಕೆಲಸಕ್ಕೆ ಪೊಲೀಸರ ಬಳಸಿಕೊಳ್ಳುವುದನ್ನು ನಿಷೇಧಿಸಿದೆ. ಈಗ ಡಿ ಗ್ರೂಪ್‌ ನೌಕರರನ್ನು ಈ ಕೆಲಸಕ್ಕೆ ನೇಮಿಸಿಕೊಳ್ಳುವ ಬಗ್ಗೆ ಪ್ರಸ್ತಾವನೆ ಸಲ್ಲಿಸಲಾಗಿದೆ. ಹೊಸದಾಗಿ ನೇಮಕ ಮಾಡಿಕೊಳ್ಳಲು ಸಾಧ್ಯವಿಲ್ಲದ್ದರಿಂದ ಇಲಾಖೆಯಲ್ಲೇ ಕೆಲಸ ನಿರ್ವಹಿಸುತ್ತಿರುವವರನ್ನು ಆರ್ಡರ್‌ಲಿಗೆ ಬಳಸಿಕೊಳ್ಳಲಾಗುವುದು ಎಂದರು.

800 ಹೊಸ ಹುದ್ದೆ :ರಾಜ್ಯದಲ್ಲಿ ಸಬ್‌ ಇನ್ಸ್‌ಪೆಕ್ಟರ್‌ಗಳ ಹುದ್ದೆಗಳು ಸಾಕಷ್ಟು ಖಾಲಿ ಇವೆ. ಇದರಲ್ಲಿ ನೇರವಾಗಿ ಸಬ್‌ ಇನ್ಸ್‌ಪೆಕ್ಟರ್‌ ಆಗಬೇಕಿರುವ ಹುದ್ದೆಗಳೇ ಹೆಚ್ಚಾಗಿವೆ. ಹೊಸದಾಗಿ 800 ಹುದ್ದೆಗಳನ್ನು ಸೃಷ್ಟಿಸಲು ಸರ್ಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಲಾಗಿದೆ ಎಂದರು.

ಅದೇ ರೀತಿ ಪ್ರಮೋಷನ್‌ ಮೇಲೆ ಎಸ್‌ಪಿ ಆಗಬೇಕಿರುವ ಹುದ್ದೆಗಳೂ ಖಾಲಿ ಇವೆ. ಆದರೆ ಪ್ರಮೋಷನ್‌ ಪಡೆಯಲು ಅಗತ್ಯವಿರುವ ಅರ್ಹತೆ ಹೊಂದಿರುವವರ ಸಂಖ್ಯೆ ಕಡಿಮೆ ಇದೆ. ಈ ಹಿನ್ನೆಲೆಯಲ್ಲಿ ಪ್ರಮೋಷನ್‌ ಪಡೆಯಲು ಬೇಕಿರುವ ಅರ್ಹತೆಯಲ್ಲಿ ಕೆಲವೊಂದು ಬದಲಾವಣೆ ಮಾಡುವ ಉದ್ದೇಶ ಇದೆ ಎಂದರು.