ಸುಪ್ರೀಂ ಆದೇಶ ಧಿಕ್ಕರಿಸಿ ಜಲ್ಲಿಕಟ್ಟು

Team Udayavani, Jan 15, 2017, 8:51 AM IST

ಮಧುರೈ: ಸುಪ್ರೀಂ ಕೋರ್ಟ್‌ ಆದೇಶವನ್ನು ಧಿಕ್ಕರಿಸಿ ಸಂಕ್ರಾಂತಿ ದಿನವಾದ ಶನಿವಾರದಂದು ತಮಿಳುನಾಡಿನ ಮಧುರೈನ ನಾಲ್ಕು ಕಡೆ ಜಲ್ಲಿಕಟ್ಟು ನಡೆಸಲಾಗಿದೆ. ಇದೇ ವೇಳೆ ಜಲ್ಲಿಕಟ್ಟುಗೆ ಅನು ಮತಿ ನೀಡುವ ಸಲುವಾಗಿ ಸುಗ್ರೀವಾಜ್ಞೆ ಹೊರಡಿಸಬೇಕು ಎಂದು ಕೇಂದ್ರ ಹಾಗೂ ರಾಜ್ಯ ಸರಕಾರಗಳನ್ನು ಆಗ್ರಹಿಸಿ ಸಾರ್ವ ಜನಿಕರು ಪ್ರತಿಭಟನೆಯನ್ನೂ ನಡೆಸಿದ್ದಾರೆ. ಈ ಸಂಬಂಧ 149 ಮಂದಿಯನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ.

ಜಲ್ಲಿಕಟ್ಟು ನಿಷೇಧಿಸಿರುವ ಸುಪ್ರೀಂ ಕೋರ್ಟ್‌, ಅದಕ್ಕೆ ಸಂಬಂಧಿಸಿದ ಅರ್ಜಿಯೊಂದರ ತೀರ್ಪನ್ನು ಸಂಕ್ರಾಂತಿಯೊಳಗೆ ಪ್ರಕ ಟಿಸಲು ನಿರಾಕರಿಸಿತ್ತು. ಆದರೂ ಇದಕ್ಕೆ ತಲೆಕೆಡಿಸಿಕೊಳ್ಳದ ಜನರು ಮಧುರೈನ ಆವನಿಯಪುರಂ, ಮೇಲೂರು, ಕುರುವನಂಕುಲಂ ಹಾಗೂ ಪೊತಂಬೂರಿನಲ್ಲಿ ಬೆಳಗ್ಗೆ 7 ಗಂಟೆಗೆ ಯಶಸ್ವಿಯಾಗಿ ಜಲ್ಲಿಕಟ್ಟು ನಡೆಸಿದರು.

ಮಧುರೈನ ನಾಲ್ಕು ಸ್ಥಳಗಳಲ್ಲಿ ತಲಾ 30ರಿಂದ 40 ಮಂದಿ 10 ಗೂಳಿಗಳ ಜತೆ ಜಲ್ಲಿಕಟ್ಟು ನಡೆಸಿ ದರು. ಈ ವೇಳೆ ಆವನಿಯಪುರಂ ನಲ್ಲಿ 7 ಹಾಗೂ ಮೇಲೂರಿನಲ್ಲಿ 22 ಮಂದಿಯನ್ನು ವಶಕ್ಕೆ ತೆಗೆದು ಕೊಳ್ಳಲಾಗಿದೆ. ಈ ನಡುವೆ, ಜಲ್ಲಿಕಟ್ಟು ನಡೆದಿದೆ ಎಂಬ ವರದಿಗಳನ್ನು ಪೊಲೀಸರು ನಿರಾಕರಿಸಿದ್ದಾರೆ.

ಮದುರೈ ಭಾಗದಲ್ಲಿ ಸಾಂಪ್ರ ದಾಯಿಕವಾಗಿ ಮೊದಲು ಆವನಿ ಯಪುರಂನಲ್ಲಿ ಸಂಕ್ರಾಂತಿ ದಿನ ಜಲ್ಲಿಕಟ್ಟು ಚಾಲನೆ ಪಡೆದುಕೊಳ್ಳು ತ್ತದೆ. ನಂತರ ಸುತ್ತಮುತ್ತಲ ಗ್ರಾಮಗಳಲ್ಲಿ ನಡೆಯುತ್ತದೆ.