ಶ್ರೀಲಂಕಾಕ್ಕೆ ಇನ್ನಿಂಗ್ಸ್‌,  118 ರನ್‌ ಸೋಲು

Team Udayavani, Jan 15, 2017, 9:12 AM IST

ಜೊಹಾನ್ಸ್‌ಬರ್ಗ್‌: ದಕ್ಷಿಣ ಆಫ್ರಿಕಾ ತಂಡದ ವೇಗಿಗಳ ಮಾರಕ ದಾಳಿಗೆ ತತ್ತರಿಸಿದ ಪ್ರವಾಸಿ ಶ್ರೀಲಂಕಾ ತಂಡವು ಇಲ್ಲಿನ ವಾಂಡರರ ಕ್ರೀಡಾಂಗಣದಲ್ಲಿ ನಡೆದ ಮೂರನೇ ಟೆಸ್ಟ್‌ ಪಂದ್ಯದಲ್ಲಿ ಇನ್ನಿಂಗ್ಸ್‌ ಮತ್ತು 118 ರನ್ನುಗಳಿಂದ ಸೋಲನ್ನು ಕಂಡಿದೆ. ಈ ಗೆಲುವಿನಿಂದ ದಕ್ಷಿಣ ಆಫ್ರಿಕಾ ತಂಡವು ಮೂರು ಪಂದ್ಯಗಳ ಟೆಸ್ಟ್‌ ಸರಣಿಯನ್ನು 3-0 ಅಂತರದಿಂದ ಗೆದ್ದುಕೊಂಡಿದೆ. 

ಪಂದ್ಯದ ಮೂರನೇ ದಿನದಾಟದಲ್ಲಿ ಶ್ರೀಲಂಕಾದ 16 ವಿಕೆ‌ಟ್‌ಗಳು ಉರುಳಿದ ಕಾರಣ ದಕ್ಷಿಣ ಆಫ್ರಿಕಾ ಕ್ಲೀನ್‌ಸಿÌàಪ್‌ ಮೂಲಕ ಸರಣಿ ಗೆದ್ದು ಸಂಭ್ರಮಿಸಿದೆ. ದಕ್ಷಿಣ ಆಫ್ರಿಕಾದ 426 ರನ್ನಿಗೆ ಉತ್ತರವಾಗಿ 4 ವಿಕೆಟಿಗೆ 80 ರನ್ನಿನಿಂದ ಮೂರನೇ ದಿನದಾಟ ಮುಂದುವರಿಸಿದ ಶ್ರೀಲಂಕಾ ತನ್ನ ಮೊದಲ ಇನ್ನಿಂಗ್ಸ್‌ನಲ್ಲಿ 131 ರನ್ನಿಗೆ ಆಲೌಟಾಯಿತು. ಫಾಲೋಆನ್‌ ಪಡೆದ ಶ್ರೀಲಂಕಾ ದ್ವಿತೀಯ ಇನ್ನಿಂಗ್ಸ್‌ನಲ್ಲೂ ಕುಸಿತ ಕಂಡಿದ್ದು 177 ರನ್ನಿಗೆ ಆಲೌಟಾಗಿ ಸಂಪೂರ್ಣ ಶರಣಾಯಿತು. 

ವೆರ್ನನ್‌ ಫಿಲಾಂಡರ್‌, ಕಾಗಿಸೊ ರಬಡ, ಹೊಸಬ ಡ್ವಾನೆ ಆಲಿವಿಯರ್‌ ಮತ್ತು ವೇನ್‌ ಪಾರ್ನೆಲ್‌ ಬಿಗು ದಾಳಿ ಸಂಘಟಿಸಿ ಶ್ರೀಲಂಕಾದ ಆಟ ಮುಗಿಸಲು ಯಶಸ್ವಿಯಾದರು.
ಜೀನ್‌ಪಾಲ್‌ ಡ್ಯುಮಿನಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರೆ ಡೀನ್‌ ಎಲ್ಗರ್‌ ಸರಣಿಶ್ರೇಷ್ಠ ಪ್ರಶಸ್ತಿ ಗೆದ್ದರು.

ಸಂಕ್ಷಿಪ್ತ ಸ್ಕೋರು: ದಕ್ಷಿಣ ಆಫ್ರಿಕಾ 426, ಶ್ರೀಲಂಕಾ 131 (ಕುಸಲ್‌ ಮೆಂಡಿಸ್‌ 41, ಉಪುಲ್‌ ತರಂಗ 24, ವೆರ್ನನ್‌ ಫಿಲಾಂಡರ್‌ 28ಕ್ಕೆ 3, ವೇನ್‌ ಪಾರ್ನೆಲ್‌ 38ಕ್ಕೆ 2, ಡ್ವಾನೆ ಆಲಿವಿಯರ್‌ 19ಕ್ಕೆ 2, ರಬಡ 44ಕ್ಕೆ 3) ಮತ್ತು 177 (ದಿಮುತ್‌ ಕರುಣರತ್ನ 50, ಕುಸಲ್‌ ಮೆಂಡಿಸ್‌ 24, ಉಪುಲ್‌ ತರಂಗ 26, ಸುರಂಗ ಲಕ್ಮಲ್‌ 31, ರಬಡ 50ಕ್ಕೆ 2, ಪಾರ್ನೆಲ್‌ 51ಕ್ಕೆ 4, ಆಲಿವಿಯರ್‌ 38ಕ್ಕೆ 3).