ಜಮ್ಮು ಕಾಶ್ಮೀರದ ಪಹಲ್‌ಗಾಂವ್‌ನಲ್ಲಿ ಎನ್‌ಕೌಂಟರ್‌: 3 ಉಗ್ರರ ಹತ್ಯೆ

Team Udayavani, Jan 16, 2017, 11:57 AM IST

ಪಹಲ್‌ಗಾಂವ್‌ : ಉಗ್ರ ನಿಗ್ರಹ ಕಾರ್ಯಾಚರಣೆಯಲ್ಲಿ ಸಿಕ್ಕಿರುವ ಇನ್ನೊಂದು ಗೆಲುವಿನಲ್ಲಿ ಭದ್ರತಾ ಪಡೆಗಳಿಂದು ಸೋಮವಾರ ಮೂವರು ಉಗ್ರರನ್ನು ಹತ್ಯೆಗೈದಿವೆ.

ಜಮ್ಮು ಕಾಶ್ಮೀರದ ಪಹಲ್‌ಗಾವ್‌ನಲ್ಲಿ ನಡೆದಿರುವ ಈ ಎನ್‌ಕೌಂಟರ್‌ನಲ್ಲಿ ಭದ್ರತಾ ಪಡೆಗಳು ಮೂವರು ಉಗ್ರರನ್ನು ಹತ್ಯೆಗೈದು ಅವರಿಂದ ಮೂರು ಎಕೆ-47 ರೈಫ‌ಲ್‌ಗ‌ಳನು ವಶಪಡಿಸಿಕೊಂಡಿವೆ. 

ಪಹಲ್‌ಗಾಂವ್‌ನ ಅವೂರಾ ಗ್ರಾಮದಲ್ಲಿ ಉಗ್ರರ ಶವಗಳು ಭದ್ರತಾ ಪಡೆಗಳಿಗೆ ಸಿಕ್ಕಿದ್ದು ಇದೀಗ ಈ ಪ್ರದೇಶವನ್ನು ಎಲ್ಲ ದಿಕ್ಕುಗಳಿಂದ ಸುತ್ತುವರಿಯಲಾಗಿದೆ.

ನಿನ್ನೆ ಭಾನುವಾರವೇ ಉಗ್ರ ನಿಗ್ರಹದ ಈ ಕಾರ್ಯಾಚರಣೆ ಆರಂಭವಾಗಿತ್ತು. ಆದರೆ ಬಳಿಕ ಅದನ್ನು ಅಮಾನತು ಗೊಳಿಸಲಾಗಿತ್ತು. ಇಂದು ಸೋಮವಾರ ಮತ್ತೆ ಅದನ್ನು ಪುನರಾರಂಭಿಸಲಾಯಿತು.

ನಿನ್ನೆ ಭಾನುವಾರದ ಗುಂಡಿನ ಕಾಳಗದ ಬಳಿಕ ಉಗ್ರರು ಅವೂರಾ ಗ್ರಾಮದಲ್ಲಿನ ಮನೆಯೊಂದರಲ್ಲಿ ಅಡಗಿಕೊಂಡಿರುವ ಬಗ್ಗೆ ಖಚಿತ ಮಾಹಿತಿಗಳು ಲಭಿಸಿದವು. ಆ ಪ್ರಕಾರ ಇಂದು ಎನ್‌ಕೌಂಟರ್‌ ನಡೆಯಿತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.