ಸೈಯದ್‌ ಅಲಿ ಶಾ ಗೀಲಾನಿಗೆ ತೀವ್ರ ಎದೆ ನೊವು; ಐಸಿಯುಗೆ ದಾಖಲು

Team Udayavani, Feb 2, 2017, 12:05 PM IST

ಶ್ರೀನಗರ : ಎಂಬತ್ತರ ಹರೆಯದ ಹಿರಿಯ ಹುರಿಯತ್‌ ನಾಯಕ ಸೈಯದ್‌ ಅಲಿ ಶಾ ಗೀಲಾನಿ ಅವರಿಗೆ ನಿನ್ನೆ ಬುಧವಾರ ತಡ ರಾತ್ರಿ ತೀವ್ರ ಎದೆ ನೋವು ಕಾಣಿಸಿಕೊಂಡ ಪ್ರಯುಕ್ತ ಅವರನ್ನು ಒಡನೆಯೇ ಶೇರ್‌ ಎ ಕಾಶ್ಮೀರ್‌ ಇನ್‌ಸ್ಟಿಟ್ಯೂಟ್‌ ಆಫ್ ಮೆಡಿಕಲ್‌ ಸಯನ್ಸಸ್‌ (ಸ್ಕಿಮ್ಸ್‌)ಗೆ ಸೇರಿಸಲಾಗಿದೆ.

ಗೃಹ ಬಂಧನಲ್ಲಿ ಇರಿಸಲಾಗಿದ್ದ ಗೀಲಾನಿ ಅವರನ್ನು ಪೊಲೀಸ್‌ ಕಾವಲಿನಲ್ಲಿ ರಾತ್ರಿ ಸುಮಾರು 11.45ರ ಹೊತ್ತಿಗೆ  ಆಸ್ಪತ್ರೆಗೆ ಸೇರಿಸಲಾಯಿತೆಂದು ಎಎನ್‌ಐ ವರದಿ ಮಾಡಿದೆ. 

ನಸುಕಿನ 2.45ರ ಹೊತ್ತಿಗೆ ಗೀಲಾನಿ ಅವರನ್ನು ಸ್ಕಿಮ್ಸ್‌ನ ಐಸಿಯುಗೆ ಸೇರಿಸಲಾಗಿ ಅಲ್ಲಿ ಅವರನ್ನು ವಿವಿಧ ಬಗೆಯ ವೈದ್ಯಕೀಯ ಪರೀಕ್ಷೆಗೆ ಗುರಿಪಡಿಸಲಾಯಿತು. ಪರಿಣತರ ವೈದ್ಯರು ಗೀಲಾನಿ ಅವರ ದೇಹಾರೋಗ್ಯದ ಮೇಲೆ ತೀವ್ರ ನಿಗಾ ಇರಿಸಿದ್ದಾರೆ. 

ಗೀಲಾನಿ ಅವರ ದೇಹಾರೋಗ್ಯ ಈಗ ಸ್ಥಿರವಾಗಿದ್ದು  ಅವರು ಬೇಗನೆ ಗುಣಮುಖರಾಗುವಂತೆ ಪ್ರಾರ್ಥಿಸುವಂತೆ ಹುರಿಯತ್‌ ವಕ್ತಾರ ಜನರನ್ನು ಕೋರಿದ್ದಾರೆ.