ಫ‌ುಟ್ಬಾಲ್‌ ಶೈಲಿಯಲ್ಲಿ ಟೆಸ್ಟ್‌,ಏಕದಿನ ಲೀಗ್‌ಗೆ ಐಸಿಸಿ ಸಜ್ಜು: ವರದಿ

Team Udayavani, Feb 4, 2017, 11:39 AM IST

ದುಬಾಯಿ : ಫ‌ುಟ್ಬಾಲ್‌ ಮಾದರಿಯಲ್ಲಿ  ಏಕದಿನ ಅಂತಾರಾಷ್ಟ್ರೀಯ ಮತ್ತು ಟೆಸ್ಟ್‌ ಪಂದ್ಯಗಳ ಸ್ವರೂಪ ಮಹತ್ತರ ಬದಲಾವಣೆಗಳನ್ನು ಕಾಣಲಿವೆ; ಅಫ್ಘಾನಿಸ್ಥಾನ ಮತ್ತು ಅಯರ್ಲಂಡ್‌ ಗೆ ಟೆಸ್ಟ್‌ ಕ್ರಿಕೆಟ್‌ ಸ್ಥಾನಮಾನ ಲಭಿಸಲಿದೆ ಎಂದು ವರದಿಗಳು ತಿಳಿಸಿವೆ. 

ಅಂತಾರಾಷ್ಟ್ರೀಯ ಕ್ರಿಕೆಟ್‌ ಮಂಡಳಿಯ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಗಳ ಸಭೆಯಲ್ಲಿ ಎರಡು ವರ್ಷಗಳ ಟೆಸ್ಟ್‌ ಲೀಗ್‌, 13 ತಂಡಗಳ ಏಕದಿನ ಲೀಗ್‌ ಮತ್ತು ವಿಶ್ವ ಟ್ವೆಂಟಿ – ಟ್ವೆಂಟಿಗೆ ಪ್ರಾದೇಶಿಕ ಅರ್ಹತೆ ಮೊದಲಾದ ಕ್ರಾಂತಿಕಾರಕ ಬದಲಾವಣೆ ತರುವುದನ್ನು ಪ್ರಸ್ತಾವಿಸಲಾಗಿದೆ.

ಐಸಿಸಿ ಮಂಡಳಿ ಈ ಪ್ರಸ್ತಾವಗಳಿಗೆ ಅನುಮೋದನೆ ನೀಡಿದಲ್ಲಿ, 2019ರಿಂದಲೇ 9-3ರ ನಮೂನೆಯಲ್ಲಿ  ಎರಡು ವರ್ಷಗಳ ಆವರ್ತನ ಟೆಸ್ಟ್‌ ಲೀಗ್‌ ಆರಂಭಗೊಳ್ಳಲಿದೆ. 

ಈ ನೂತನ ಪ್ರಸ್ತಾವಗಳ ಪ್ರಕಾರ ಟೆಸ್ಟ್‌ ಆಡುತ್ತಿರುವ ಉನ್ನತ 9 ದೇಶಗಳು ತಮ್ಮೊಳಗೆ ಮಾತ್ರವಲ್ಲದೆ ಮೂರು ಕೆಳ ಕ್ರಮಾಂಕದ ತಂಡಗಳೊಂದಿಗೆ ಆಡಲಿವೆ. 

ಮೂರು ವರ್ಷಗಳ – 13 ತಂಡಗಳ – ಒನ್‌ಡೇ ಲೀಗ್‌ ಹಾಗೂ ಅಂತಿಮವಾಗಿ 50 ಓವರ್‌ಗಳ ವಿಶ್ವ ಏಕದಿನ ಕ್ರಿಕೆಟ್‌ ಕ್ರಮವನ್ನು ಜಾರಿಗೆ ತರುವುದಕ್ಕೆ ಸಿಇಸಿ ಅನುಮೋದನೆ ನೀಡಿರುವುದಾಗಿ ತಿಳಿದು ಬಂದಿದೆ.