![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
ಟಿ-20: ಆಸೀಸ್ಗೆ ಲಂಕಾಘಾತ
Team Udayavani, Feb 18, 2017, 3:45 AM IST
![Australia-v-Sri-Lanka,.jpg](https://www.udayavani.com/wp-content/uploads/2017/02/17/Australia-v-Sri-Lanka,-620x397.jpg)
ಮೆಲ್ಬರ್ನ್: “ನ್ಯೂ ಲುಕ್’ ಪಡೆದು ಕಣಕ್ಕಿಳಿದ ಆಸ್ಟ್ರೇಲಿಯಕ್ಕೆ ಮೊದಲ ಟಿ-20 ಪಂದ್ಯದಲ್ಲಿ ಶ್ರೀಲಂಕಾ 5 ವಿಕೆಟ್ಗಳಿಂದ ಆಘಾತವಿಕ್ಕಿದೆ. ಇದರೊಂದಿಗೆ 3 ಪಂದ್ಯಗಳ ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿದೆ.
ಶುಕ್ರವಾರ ಮೆಲ್ಬರ್ನ್ನಲ್ಲಿ ನಡೆದ ಈ ರೋಮಾಂಚಕಾರಿ ಸೆಣಸಾಟದಲ್ಲಿ ಬ್ಯಾಟಿಂಗಿಗೆ ಇಳಿಸಲ್ಪಟ್ಟ ಆಸ್ಟ್ರೇಲಿಯ 6 ವಿಕೆಟಿಗೆ 168 ರನ್ ಗಳಿಸಿ ಸವಾಲೊಡ್ಡಿತು. ಇದನ್ನು ದಿಟ್ಟ ರೀತಿಯಲ್ಲಿ ಸ್ವೀಕರಿಸಿದ ಶ್ರೀಲಂಕಾ ಸರಿಯಾಗಿ 20 ಓವರ್ಗಳಲ್ಲಿ 5 ವಿಕೆಟಿಗೆ 172 ರನ್ ಬಾರಿಸಿತು; ಅಂತಿಮ ಎಸೆತದಲ್ಲಿ ಬೌಂಡರಿ ಬಾರಿಸಿ ಜಯಭೇರಿ ಮೊಳಗಿಸಿತು.
ಆ್ಯಂಡ್ರೂé ಟೈ ಪಾಲಾದ ಅಂತಿಮ ಓವರಿನಲ್ಲಿ ಲಂಕಾ ಜಯಕ್ಕೆ ಕೇವಲ 6 ರನ್ನುಗಳ ಅಗತ್ಯವಿತ್ತು. ಕೈಯಲ್ಲಿನ್ನೂ 5 ವಿಕೆಟ್ ಉಳಿದಿತ್ತು. ಇದನ್ನು ಲಂಕಾ ಸುಲಭದಲ್ಲೇ ಸಾಧಿಸಬಹುದೆಂಬ ನಿರೀಕ್ಷೆ ಇತ್ತು. ಆದರೆ ಟೈ ಅತ್ಯಂತ ಬಿಗು ದಾಳಿ ಸಂಘಟಿಸಿದರು. ಅಂತಿಮ ಓವರಿನ 5ನೇ ಎಸೆತಕ್ಕೆ ಇತ್ತಂಡಗಳ ಮೊತ್ತ ಸಮನಾಯಿತು. ಕೊನೆಯ ಎಸೆತದಲ್ಲಿ ಚಾಮರ ಕಪುಗೆಡರ ಬೌಂಡರಿ ಬಾರಿಸಿ ಲಂಕೆಯ ಗೆಲುವನ್ನು ಸಾರಿದರು.
ನಾಯಕ ಉಪುಲ್ ತರಂಗ ಅವರನ್ನು ಲಂಕಾ ಶೂನ್ಯಕ್ಕೆ ಕಳೆದುಕೊಂಡಿತಾದರೂ ಡಿಕ್ವೆಲ್ಲ (30), ಮುನವೀರ (44), ಗುಣರತ್ನೆ (52) ಉತ್ತಮ ಬ್ಯಾಟಿಂಗ್ ಪ್ರದರ್ಶಿಸಿ ಲಂಕಾ ಹೋರಾಟವನ್ನು ಜಾರಿಯಲ್ಲಿರಿಸಿದರು.
ಆಸೀಸ್ ಉತ್ತಮ ಆರಂಭ
ನಾಯಕ ಆರನ್ ಫಿಂಚ್ ಮತ್ತು ಮೊದಲ ಟಿ-20 ಪಂದ್ಯ ಆಡಲಿಳಿದ ಮೈಕಲ್ ಕ್ಲಿಂಜರ್ ಆಸ್ಟ್ರೇಲಿಯಕ್ಕೆ ಉತ್ತಮ ಆರಂಭ ಒದಗಿಸಿದರು. ಇವರಿಂದ 10.3 ಓವರ್ಗಳಲ್ಲಿ 76 ರನ್ ಒಟ್ಟುಗೂಡಿತು. ವನ್ಡೌನ್ನಲ್ಲಿ ಬಂದ ಟ್ರ್ಯಾವಿಸ್ ಹೆಡ್ ಕೂಡ ಇದೇ ಲಯದಲ್ಲಿ ಸಾಗಿದರು.
34 ಎಸೆತಗಳಿಂದ 43 ರನ್ ಹೊಡೆದ ಫಿಂಚ್ ಅವರದೇ ಆಸೀಸ್ ಸರದಿಯ ಸರ್ವಾಧಿಕ ಸ್ಕೋರ್ (34 ಎಸೆತ, 2 ಬೌಂಡರಿ, 2 ಸಿಕ್ಸರ್). 36ರ ಹರೆಯದಲ್ಲಿ ಟಿ-20 ಪಾದಾರ್ಪಣೆ ಮಾಡಿದ ವಿಕ್ಟೋರಿಯಾದ ಕ್ಲಿಂಜರ್ 32 ಎಸೆತ ಎದುರಿಸಿ 38 ರನ್ ಮಾಡಿದರು (4 ಬೌಂಡರಿ). ಹೆಡ್ ಗಳಿಕೆ 25 ಎಸೆತಗಳಿಂದ 31 ರನ್. ಇದರಲ್ಲಿ ಒಂದು ಸಿಕ್ಸರ್ ಮಾತ್ರ ಒಳಗೊಂಡಿತ್ತು.
ಮೊದಲ ಟಿ-20 ಆಡಿದ ಮತ್ತೂಬ್ಬ ಬ್ಯಾಟ್ಸ್ಮನ್ ಆ್ಯಶrನ್ ಟರ್ನರ್ 18, ಮೊಸಸ್ ಹೆನ್ರಿಕ್ಸ್ 17 ರನ್ ಮಾಡಿದರು.
ಶ್ರೀಲಂಕಾ ಬೌಲಿಂಗ್ ಸರದಿಯಲ್ಲಿ ಮಿಂಚಿದವರು ವೇಗಿ ಲಸಿತ ಮಾಲಿಂಗ (29ಕ್ಕೆ 2). ಮಾಲಿಂಗ ಸರಿಯಾಗಿ ಒಂದು ವರ್ಷದ ಬಳಿಕ ಟಿ-20 ಆಡಲಿಳಿದಿದ್ದರು.
ಸಂಕ್ಷಿಪ್ತ ಸ್ಕೋರ್: ಆಸ್ಟ್ರೇಲಿಯ-6 ವಿಕೆಟಿಗೆ 168 (ಫಿಂಚ್ 43, ಕ್ಲಿಂಜರ್ 38, ಹೆಡ್ 31, ಮಾಲಿಂಗ 29ಕ್ಕೆ 2). ಶ್ರೀಲಂಕಾ-20 ಓವರ್ಗಳಲ್ಲಿ 5 ವಿಕೆಟಿಗೆ 172 (ಗುಣರತ್ನೆ 52, ಮುನವೀರ 44, ಡಿಕ್ವೆಲ್ಲ 30, ಟರ್ನರ್ 12ಕ್ಕೆ 2, ಝಂಪ 26ಕ್ಕೆ 2). ಪಂದ್ಯಶ್ರೇಷ್ಠ: ಅಸೇಲ ಗುಣರತ್ನೆ.
ಸರಣಿಯ 2ನೇ ಪಂದ್ಯ ರವಿವಾರ ಗೀಲಾಂಗ್ನಲ್ಲಿ ನಡೆಯಲಿದೆ.
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
![](https://www.udayavani.com/wp-content/uploads/2024/03/IndianClicks_GVega_300x250_03212024_1_3.gif)
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
![Diamond League: ಡೈಮಂಡ್ ಲೀಗ್ ಋತು ಫೈನಲಿಗೆ ನೀರಜ್ ಚೋಪ್ರಾ ಅರ್ಹತೆ](https://www.udayavani.com/wp-content/uploads/2024/09/NEERAJ-CHOPRA-150x83.jpg)
Diamond League: ಡೈಮಂಡ್ ಲೀಗ್ ಋತು ಫೈನಲಿಗೆ ನೀರಜ್ ಚೋಪ್ರಾ ಅರ್ಹತೆ
![Paralympics closing ceremony: ಸಮಾರೋಪ ಸಮಾರಂಭದಲ್ಲಿ ಹರ್ವಿಂದರ್, ಪ್ರೀತಿ ಧ್ವಜಧಾರಿಗಳು](https://www.udayavani.com/wp-content/uploads/2024/09/paralampics-150x84.jpg)
Paralympics: ಸಮಾರೋಪ ಸಮಾರಂಭದಲ್ಲಿ ಹರ್ವಿಂದರ್ ಸಿಂಗ್, ಪ್ರೀತಿ ಪಾಲ್ ಧ್ವಜಧಾರಿಗಳು
![US Open: ಯುಎಸ್ ಓಪನ್ ಟೆನಿಸ್ ಗ್ರ್ಯಾನ್ ಸ್ಲಾಮ್: ಪೆಗುಲಾ-ಸಬಲೆಂಕಾ ನಡುವೆ ಫೈನಲ್](https://www.udayavani.com/wp-content/uploads/2024/09/us-open-150x88.jpg)
US Open: ಯುಎಸ್ ಓಪನ್ ಟೆನಿಸ್ ಗ್ರ್ಯಾನ್ ಸ್ಲಾಮ್: ಪೆಗುಲಾ-ಸಬಲೆಂಕಾ ನಡುವೆ ಫೈನಲ್
![Paris Paralympics; Another gold for India; Praveen Kumar won gold in high jump](https://www.udayavani.com/wp-content/uploads/2024/09/prav-150x83.jpg)
Paralympics; ಭಾರತಕ್ಕೆ ಮತ್ತೊಂದು ಬಂಗಾರ; ಹೈಜಂಪ್ ನಲ್ಲಿ ಚಿನ್ನ ಗೆದ್ದ ಪ್ರವೀಣ್ ಕುಮಾರ್
![Vikram Rathore; Former coach of Team India joined New Zealand team](https://www.udayavani.com/wp-content/uploads/2024/09/vikram-150x83.jpg)
Vikram Rathour; ನ್ಯೂಜಿಲ್ಯಾಂಡ್ ತಂಡ ಸೇರಿದ ಟೀಂ ಇಂಡಿಯಾ ಮಾಜಿ ಕೋಚ್
MUST WATCH
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.