ವೀರಶೈವ ನೌಕರರ ಸಂಘಕ್ಕೆ ಮಹದೇವಪ್ಪ ಅಧ್ಯಕ್ಷರಾಗಿ ಆಯ್ಕೆ

Team Udayavani, Feb 22, 2017, 12:22 PM IST

ಪಿರಿಯಾಪಟ್ಟಣ: ತಾಲೂಕಿನ ಬೆಟ್ಟದಪುರ ಶ್ರೀ ಶಿಡ್ಲು ಮಲ್ಲಿಕಾರ್ಜುನಸ್ವಾಮಿ ವೀರಶೈವ ನೌಕರರ ಸಂಘದ ಅಧ್ಯಕ್ಷರಾಗಿ ಬಿ.ಸಿ. ಮಹದೇವಪ್ಪ ಮತ್ತು ಪ್ರಧಾನ ಕಾರ್ಯದರ್ಶಿಯಾಗಿ ಹರೀಶ್‌ ಅವರನ್ನು ವಿಶೇಷ ಸಭೆಯಲ್ಲಿ ಆಯ್ಕೆ ಮಾಡಲಾಯಿತು.

ನೂತನ ಅಧ್ಯಕ್ಷ ಬಿ.ಸಿ.ಮಹದೇವಪ್ಪ ಮಾತನಾಡಿ, ಸಂಘವು ಸಾಹಿತ್ಯ ಮತ್ತು ಶರಣರ ವಚನಗಳ ಕಾರ್ಯಕ್ರಮಗಳನ್ನು ನಡೆಸುವ ಮೂಲಕ ತಾಲೂಕಿನಲ್ಲಿ ಅತ್ಯುತ್ತಮ ಸಂಘ ಎಂಬ ಹೆಸರು ಪಡೆದಿದೆ. ಬಡಮಕ್ಕಳ ಮತ್ತು ನೌಕರರ ಮಕ್ಕಳ ಅಭಿವೃದ್ಧಿಗಾಗಿ ಹಲವಾರು ಕಾರ್ಯಕ್ರಮಗಳನ್ನು ಮಾಡಿ ಕೊಂಡು ಬರುತ್ತಿದೆ ಎಂದರು.

ನೂತನ ಪ್ರಧಾನ ಕಾರ್ಯದರ್ಶಿ ಹರೀಶ್‌ ಮಾತನಾಡಿ, ತಾಲೂಕಿನಾದ್ಯಂತ ಎಲ್ಲ ವೀರಶೈವ ಬಂಧುಗಳನ್ನು ಸಂಘದಲ್ಲಿ ಸೇರ್ಪಡೆಗೊಂಡು ಇನ್ನು ಹೆಚ್ಚಿನ ಅಭಿವೃದ್ಧಿಪಡಿಸುವುದಾಗಿ ತಿಳಿಸಿದರು. ಮಾಜಿ ಅಧ್ಯಕ್ಷ ಸಿ.ಬಿ.ಕಾಂತರಾಜು ನೂತನ ಅಧ್ಯಕ್ಷರಿಗೆ ಅಧಿಕಾರ ಹಸ್ತಾಂತರಿಸಿದರು.

ಸಂಘಟನಾ ಕಾರ್ಯದರ್ಶಿ ಕೆ.ಸಿ.ಸತೀಶ್‌, ಅಶೋಕ್‌, ಪ್ರಸನ್ನ, ಚಂದ್ರಶೇಖರ್‌, ಲೋಕೇಶ್‌ ವೃಷಬೇಂದ್ರ, ಕೆಂಡಗಣ್ಣಸ್ವಾಮಿ, ರೇವಣ್ಣ, ಪದಾಧಿಕಾರಿಗಳು ಹಾಜರಿದ್ದರು.