4 ಗ್ರಾ.ಪಂ.ಗೆ ತಲಾ 3 ಲಕ್ಷ ರೂ.: ಪ್ರತಾಪ್‌ಚಂದ್ರ

Team Udayavani, Feb 24, 2017, 2:26 PM IST

ಸುಳ್ಯ: ತಾಲೂಕಿನ ನಾಲ್ಕು ಗ್ರಾ.ಪಂ.ಗಳಿಗೆ ಎಂಎಲ್‌ಸಿ ಪ್ರತಾಪ್‌ಚಂದ್ರ ಶೆಟ್ಟಿ  ಭೇಟಿ ನೀಡಿ, ತಲಾ 3ಲಕ್ಷ ರೂ. ಅನುದಾನ ಘೋಷಿಸಿದ್ದಾರೆ.

ಅವರು ಸಂಪಾಜೆ, ಪೆರುವಾಜೆ, ಅಜ್ಜಾವರ, ಬೆಳ್ಳಾರೆ ಗ್ರಾ.ಪಂ.ಗಳಿಗೆ ಅಧಿಕೃತ ಭೇಟಿ ನೀಡಿ ತಲಾ ಮೂರು ಲಕ್ಷ ರೂ. ಅನುದಾನ ಘೋಷಿಸಿದರು. 

ಸ್ಥಳೀಯ ಪಂಚಾಯತ್‌ಗಳು ಗಟ್ಟಿಗೊಳಿಸಲು ನಾನು ಪಂಚಾಯತ್‌ಗಳಿಗೆ ಭೇಟಿ ನೀಡಿ, ಅನುದಾನ ಘೋಷಿಸಿದ್ದೇನೆ. ಇದೇ ರೀತಿ ಎಲ್ಲ ಶಾಸಕರುಗಳು, ಸಂಸದರು ತಮಗೆ ಬರುವ ನಿಧಿಯಿಂದ ಗ್ರಾಮಗಳ ಅಭಿವೃದ್ಧಿಗೆ  ಅನುದಾನ ನೀಡಬೇಕು ಎಂದರು.

ಈ ಸಂದರ್ಭದಲ್ಲಿ ಸುಳ್ಯ ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಎಂ.ವೆಂಕಪ್ಪ ಗೌಡ, ಕೆ.ಪಿ.ಸಿ.ಸಿ. ಸದಸ್ಯ ಡಾ| ರಘು, ಪ್ರಧಾನ ಕಾರ್ಯದರ್ಶಿ ಪಿ.ಎಸ್‌. ಗಂಗಾಧರ, ಪಕ್ಷದ ಮುಖಂಡರು, ಗ್ರಾ.ಪಂ. ಅಧ್ಯಕ್ಷರು, ಸದಸ್ಯರು ಉಪಸ್ಥಿತರಿದ್ದರು.ಅಜ್ಜಾವರ ಗ್ರಾ.ಪಂ.ಗೆ ಭೇಟಿ ನೀಡುವ ಸಂದರ್ಭದಲ್ಲಿ ತಾ.ಪಂ. ಅಧ್ಯಕ್ಷ ಚನಿಯ ಕಲ್ತಡ್ಕ, ಜಿ.ಪಂ. ಸದಸ್ಯೆ ಪುಷ್ಪಾವತಿ ಬಾಳಿಲ ಅವರು ಉಪಸ್ಥಿತರಿದ್ದರು.