ಜೋಗಿಮಠ ಟ್ರಾನ್ಸ್‌ಫಾರ್ಮರ್‌ : ಬೆಂಕಿ, ತಪ್ಪಿದ ಅಪಾಯ

Team Udayavani, Feb 27, 2017, 12:34 PM IST

ವಿಟ್ಲ : ವಿಟ್ಲ ಸೇರಾಜೆ ರಸ್ತೆಯ, ಜೋಗಿಮಠ ಎಂಬಲ್ಲಿಇರುವ ಟ್ರಾನ್ಸ್‌ಫಾರ್ಮರ್‌ನಿಂದ ಶನಿವಾರ  ಸಂಜೆ ಬೆಂಕಿಯ ಕಿಡಿ ನೆಲದ ಮೇಲಿರುವ ಒಣಗಿದ ಹುಲ್ಲಿನ ಮೇಲೆ ಬಿದ್ದು ಬೆಂಕಿ ಕಾಣಿಸಿಕೊಂಡು, ಸಾರ್ವಜನಿಕರು ಬೆಂಕಿ ನಿಯಂತ್ರಿಸಿದ ಫಲವಾಗಿ ಅಪಾಯ ತಪ್ಪಿದ ಘಟನೆ ರವಿವಾರ ತಪ್ಪಿದೆ.
 
ಸಾರ್ವಜನಿಕರು ಒಟ್ಟು ಸೇರಿ ನೀರು ಸುರಿದು ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾದರು. ಸಾರ್ವಜನಿಕರು ಮಾಹಿತಿ ನೀಡಿದ ತತ್‌ಕ್ಷಣ ಮೆಸ್ಕಾಂ ಇಲಾಖೆ ಸಿಬಂದಿ ಆಗಮಿಸಿ, ಟ್ರಾನ್ಸ್‌ಫಾರ್ಮರ್‌  ಸುತ್ತಲೂ ತಡೆಬೇಲಿ, ಮತ್ತು ನೆಲದ ಮೇಲೆ ಜಲ್ಲಿಕಲ್ಲುಗಳನ್ನು ಹರಡಿ ಸಂಭವನೀಯ ದುರಂತವನ್ನು ತಪ್ಪಿಸಿದರು.ಈ ಟ್ರಾನ್ಸ್‌ಫಾರ್ಮರ್‌ ರಸ್ತೆಯ ಬದಿಯಲ್ಲಿದ್ದು, ಶಾಲಾ ವಿದ್ಯಾರ್ಥಿಗಳು ಮತ್ತು ಸಾರ್ವಜನಿಕರಿಗೆ ಅಪಾಯವಾಗುವ ಸಾಧ್ಯತೆಯಿದೆ ಎಂದು ದೂರಿದ್ದಾರೆ.