ಆದಿವಾಸಿಯಾದ ಸುನಾಮಿ ಕಿಟ್ಟಿ

Team Udayavani, Feb 28, 2017, 11:38 AM IST

“ಬಿಗ್‌ ಬಾಸ್‌’ಗೆ ಹೋಗಿ ಬಂದ ಯಾರ್ಯಾರಿಗೋ ಲಕ್ಕು ಕುದುರಿ, ಚಿತ್ರರಂಗಕ್ಕೆ ಬಂದರೂ, ಅದ್ಯಾಕೋ ಸುನಾಮಿ ಕಿಟ್ಟಿ ಮಾತ್ರ ಚಿತ್ರರಂಗದಿಂದ ದೂರವೇ ಇದ್ದರು. ಈಗ ಸ್ವಲ್ಪ ತಡವಾಗಿಯಾದರೂ ಸುನಾಮಿ ಕಿಟ್ಟಿ, ಚಿತ್ರರಂಗಕ್ಕೆ ಹೀರೋ ಆಗಿ ಎಂಟ್ರಿ ಕೊಡುತ್ತಿದ್ದಾರೆ.

ಕಿಟ್ಟಿ, ಹೀರೋ ಆಗಿರುವ ಚಿತ್ರ “ಆದಿವಾಸಿ’ ಮಾರ್ಚ್‌ ಎರಡರಂದು ಪ್ರಾರಂಭವಾಗಲಿದೆ. ಚಿತ್ರದ ಮೊದಲ ದೃಶ್ಯಕ್ಕೆ ಶಿವರಾಜಕುಮಾರ್‌ ಅವರು ಕ್ಲಾಪ್‌ ಮಾಡಿದರೆ, “ಜೋಗಿ’ ಪ್ರೇಮ್‌, ಅವರು ಕ್ಯಾಮೆರಾ ಚಾಲನೆ ಮಾಡಲಿದ್ದಾರೆ. ಅಂದಹಾಗೆ, ಮುಹೂರ್ತ ಕಂಠೀರವ ಸ್ಟುಡಿಯೋದಲ್ಲಿ ನಡೆಯಲಿದೆ.

“ಆದಿವಾಸಿ’ ಚಿತ್ರವನ್ನು ನಿರ್ದೇಶಿಸುತ್ತಿರುವರು ಪಿ. ಮೂರ್ತಿ. ಈ ಹಿಂದೆ “ಸ್ಲಂ’ ಎಂಬ ಚಿತ್ರವನ್ನು ನಿರ್ಮಿಸಿದ್ದ ಮೂರ್ತಿ, ಈಗ “ಆದಿವಾಸಿ’ ಚಿತ್ರದ ಮೂಲಕ ನಿರ್ದೇಶಕರಾಗುತ್ತಿದ್ದಾರೆ. ಅಷ್ಟೇ ಅಲ್ಲ, ಚಿತ್ರಕ್ಕೆ ಕಥೆ, ಚಿತ್ರಕಥೆ ಮತ್ತು ಸಂಭಾಷಣೆಯನ್ನೂ ಅವರೇ ರಚಿಸಿದ್ದಾರೆ. ಚಿತ್ರಕ್ಕೆ ನಾಗೇಶ್‌ ಛಾಯಾಗ್ರಹಣ ಮಾಡಿದರೆ, ಹೇಮಂತ್‌ ಸಂಗೀತ ನಿರ್ದೇಶಿಸುತ್ತಿದ್ದಾರೆ. ಇನ್ನು ಕೆಂಪರಾಜು, ಈ ಚಿತ್ರದ ನಿರ್ಮಾಪಕರು. ಈ ಚಿತ್ರ ಸಾಗರ್‌ ಫಿಲ್ಮ್ಸ್ನಡಿ ನಿರ್ಮಾಣವಾಗುತ್ತಿದೆ.