ಆಲ್ಬಂ ಸಾಂಗ್‌ಗೆ ಸಿಕ್ತು ಸಖತ್‌ ರೆಸ್ಪಾನ್ಸ್‌

Team Udayavani, Mar 1, 2017, 11:26 AM IST

ಹೊಸ ತಂಡ ಒಂದು ಸಿನಿಮಾ ಮಾಡುವ ಕನಸು ಕಂಡಿದೆ. ಅದಕ್ಕೂ ಮುನ್ನ, ಒಂದು ವೀಡಿಯೋ ಆಲ್ಬಂ ಮಾಡಿ, ತನ್ನ ಸಾಮರ್ಥ್ಯವನ್ನು ಪರೀಕ್ಷಿಸಿಕೊಂಡಿದೆ. ಎಲ್ಲೆಡೆಯಿಂದ ಮೆಚ್ಚುಗೆ ಬಂದಿರುವುದರಿಂದ ಸಿನಿಮಾ ಲೋಕಕ್ಕೂ ಕಾಲಿಡುವ ಮನಸು ಮಾಡಿದೆ. ಅಂದಹಾಗೆ, ಆ ಹೊಸ ತಂಡ ಆ ವೀಡಿಯೋ ಆಲ್ಬಂಗೆ ಇಟ್ಟುಕೊಂಡ ಹೆಸರು “ಕಣ್ಣಲ್ಲೇ..’ ಈ ವೀಡಿಯೋ ಹಾಡಿಗೆ ಲೋಹಿತ್‌ ಕೀರ್ತಿ ನಿರ್ದೇಶಕರು.

ಆ ಹಾಡಲ್ಲಿ ಶ್ರೀಕಾಂತ್‌ ಗಣೇಶ್‌ ಮತ್ತು ಪಾಯಲ್‌ ರಾಧಕೃಷ್ಣ ನಾಯಕ, ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. “ಪ್ರೀತಿ ವಿಷಯ ಇಟ್ಟುಕೊಂಡು “ಕಣ್ಣಲ್ಲೇ’ ಎಂಬ ಶೀರ್ಷಿಕೆ ಇಟ್ಟು ಸುಮಾರು ಆರು ನಿಮಿಷದ ಮೆಲೋಡಿ ವೀಡಿಯೋ ಆಲ್ಬಂ  ಮಾಡಿದ್ದೇವೆ. ಹೇಮಂತ್‌ ಜೋಯಿಸ್‌ ಎಂಬ ಹೊಸ ಪ್ರತಿಭೆ ಸಂಗೀತ ನೀಡಿದ್ದಾರೆ.

ಒಂದು ಮೆಲೋಡಿಯಾಗಿ ಕಾಣಿಸಿಕೊಂಡಿರುವ ಆ ಹಾಡಿಗೆ ಸುಹಾಸ್‌ ಅಮಿನ್‌ ನ್ಯತ್ಯ ಸಂಯೋಜಿಸಿದ್ದಾರೆ. ಈಗಾಗಲೇ “ಕಣ್ಣಲ್ಲೇ’  ಎಂಬ ವೀಡಿಯೋ ಆಲ್ಬಂ ಸಾಂಗ್‌ ಯೂಟ್ಯೂಬ್‌ ನಲ್ಲಿ ಸಾಕಷ್ಟು ಸುದ್ದಿ ಮಾಡಿದೆ. ಸಾಮಾಜಿಕ ತಾಣಗಳಲ್ಲೂ ಎಲ್ಲರಿಂದ ಮೆಚ್ಚುಗೆ ಪಡೆಯುತ್ತಿದೆ. ಯುವ ಸಮೂಹದಲ್ಲೊಂದು ಹೊಸಬಗೆಯ ಹಾಡು ಎಂಬ ಹೆಗ್ಗಳಿಕೆ ಸಿಕ್ಕಿದೆ’ ಎನ್ನುತ್ತಾರೆ ನಿರ್ದೇಶಕ ಲೋಹಿತ್‌ ಕೀರ್ತಿ.