ಜಾಹಿರಾತಿಗೆ ಅಡ್ಡಿಯಾಗಿದೆ ಎಂದು ಮರಗಳಿಗೆ ಆ್ಯಸಿಡ್‌

Team Udayavani, Mar 4, 2017, 12:10 PM IST

ಬೆಂಗಳೂರು: ಜಾಹಿರಾತು ಪ್ರದರ್ಶಧಿನಕ್ಕೆ ಅಡ್ಡಿಯಾಗಿದೆ ಎಂಬ ಕಾರಣಕ್ಕೆ ಸುಮಾರು 30ಕ್ಕೂ ಹೆಚ್ಚು ಮರಗಳ ಬಲಿಗೆ ಮುಂದಾದ ಕಿಡಿಗೇಡಿಗಳ ವಿರುದ್ಧ ಶುಕ್ರವಾರ ಬಿಬಿಎಂಪಿ ಅರಣ್ಯ ವಿಭಾಗದ ಅಧಿಕಾರಿಗಳು ಎಫ್ಐಆರ್‌ ದಾಖಲಿಸಿದ್ದಾರೆ. 

ದೊಡ್ಡನೆಕ್ಕುಂದಿ ವಾರ್ಡ್‌ನ ಚಿನ್ನಪ್ಪನಹಳ್ಳಿ ಬಳಿಯ ಕಲಾಮಂದಿರ್‌ ಸರ್ವೀಸ್‌ ರಸ್ತೆ ಬದಿ ಘಟನೆ ನಡೆದಿದೆ. ಜಾಹಿರಾತು ಫ‌ಲಕಗಳ ಪ್ರದರ್ಶನಕ್ಕೆ ಅಡ್ಡಿಯಾಗಿವೆ ಎಂಬ ಹಿನ್ನೆಲೆ ಯಾರೋ ಕಿಡಿಗೇಡಿಗಳು ಸುಮಾರು 30ಕ್ಕೂ ಹೆಚ್ಚು ಮರಗಳ ನಾಶಕ್ಕೆ ಮುಂದಾಗಿದ್ದರು. 13 ಮರಗಳನ್ನು ಬುಡದವರೆಗೆ ಕತ್ತರಿಸಿದ್ದರೆ, 17 ಉಳಿದ ಮರಗಳು ಶಿಥಿಲಗೊಳ್ಳುವಂತೆ ಆಸಿಡ್‌ ಸುರಿಯಲಾಗಿದೆ. ಇದರಿಂದ 14 ಮರಗಳು ನಿರ್ಜೀವಗೊಂಡಿವೆ. 

ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿದ ಬಿಬಿಎಂಪಿ ಅರಣ್ಯ ವಿಭಾಗದ ಅಧಿಕಾರಿಗಳು ಎಫ್ಐಆರ್‌ ದಾಖಲಿಸಿದ್ದು, ಪೊಲೀಸರಿಗೂ ದೂರು ನೀಡಲು ಮುಂದಾಗಿದ್ದಾರೆ. ಮಹಾಗಣಿ, ಹೊಂಗೆ ಸೇರಿದಂತೆ ಹಲವು ಪ್ರಕಾರದ ಮರಗಳು ಈ ಕೃತ್ಯಕ್ಕೆ ಬಲಿಯಾಗಿವೆ.