ಬಿಹಾರದ ಗಯಾ ಅರಣ್ಯದಲ್ಲಿ ಭದ್ರತಾ ಪಡೆಗಳಿಂದ 4 ನಕ್ಸಲರ ಹತ್ಯೆ

Team Udayavani, Mar 8, 2017, 4:17 PM IST

ಹೊಸದಿಲ್ಲಿ : ಬಿಹಾರದ ಗಯಾ ಜಿಲ್ಲೆಯ ಅರಣ್ಯದಲ್ಲಿ ಇಂದು ಬುಧವಾರ ನಡೆದ ಭದ್ರತಾ ಪಡೆಗಳೊಂದಿಗಿನ ಗುಂಡಿನ ಕಾಳಗದಲ್ಲಿ ನಾಲ್ವರು ನಕ್ಸಲರು ಹತರಾಗಿದ್ದಾರೆ.

ಸಿಆರ್‌ಪಿಎಫ್ನ ಕೋಬ್ರಾ ಬೆಟಾಲಿಯನ್‌ ಮತ್ತು ರಾಜ್ಯ ಪೊಲೀಸ್‌ ದಳ ನಡೆಸಿದ ಜಂಟಿ ಕಾರ್ಯಾಚರಣೆಯು ಜಿಲ್ಲೆಯ ಬಸ್ಕತ್ವಾ ಗ್ರಾಮದಲ್ಲಿ ಮುಗಿದಾಗ, ಗುಂಡಿನ ಕಾಳಗದಲ್ಲಿ ಹತರಾಗಿದ್ದ ನಾಲ್ವರು ನಕ್ಸಲರ ಶವಗಳು ಪತ್ತೆಯಾಗಿ ಅವುಗಳೊಂದಿಗಿದ್ದ ನಾಲ್ಕು ಬಂದೂಕುಗಳನ್ನು ವಶಕ್ಕೆ ತೆಗೆದುಕೊಳ್ಳಲಾಯಿತು.

ಒಂದು ಎಕೆ ಅಸಾಲ್ಟ್ ರೈಫ‌ಲ್‌, ಒಂದು ಸೆಲ್ಫ್ ಲೋಡಿಂಗ್‌ ರೈಫ‌ಲ್‌ ಮತ್ತು ಎರಡು ಇನ್ಸಾಸ್‌ ರೈಫ‌ಲ್‌ಗ‌ಳನ್ನು ವಶಪಡಿಸಿಕೊಳ್ಳಲಾಯಿತು; ಈ ಕಾರ್ಯಾಚರಣೆಯ ನೇತೃತ್ವವನ್ನು 204ನೇ ಕೋಬ್ರಾ ಬೆಟಾಲಿಯನ್‌ ವಹಿಸಿತ್ತು ಎಂದು ಹಿರಿಯ ಸೆಂಟ್ರಲ್‌ ರಿಸವ್‌ರ ಪೊಲೀಸ್‌ ದಳದ ಅಧಿಕಾರಿ ತಿಳಿಸಿದ್ದಾರೆ.

ಇನ್ನಷ್ಟು ಶೋಧ ಕಾರ್ಯಾಚರಣೆ ಕೈಗೊಳ್ಳಲು ಸ್ಥಳಕ್ಕೆ ಹೆಚ್ಚುವರಿ ಪಡೆಯನ್ನು ಕಳುಹಿಸಲಾಗಿದೆ ಎಂದವರು ತಿಳಿಸಿದರು.