10 ರೂ. ಹೊಸ ನೋಟು ಬರುತ್ತೆ, ಹಳೇ ನೋಟಿರುತ್ತೆ!

Team Udayavani, Mar 10, 2017, 3:45 AM IST

ಮುಂಬೈ: 500 ಹಾಗೂ 2 ಸಾವಿರ ರೂ. ಹೊಸ ನೋಟು ಕೈಸೇರಿದ ಮೇಲೀಗ 10 ರೂ. ಸರದಿ. ಭಾರತೀಯ ರಿಸರ್ವ ಬ್ಯಾಂಕ್‌ (ಆರ್‌ಬಿಐ) ಶೀಘ್ರದಲ್ಲಿಯೇ ಸುಧಾರಿತ ಹಾಗೂ ಸುರಕ್ಷಾ ಲಕ್ಷಣಗಳನ್ನೊಳಗೊಂಡ ಹೊಸ 10 ರೂಪಾಯಿ ನೋಟನ್ನು ಬಿಡುಗಡೆ ಮಾಡಲಿದೆ. 

ಪ್ರಸ್ತುತ ಇರುವ ಹಳೇ ನೋಟುಗಳಿಗೆ ಯಾವುದೇ ನಿಷೇಧ ಇರುವುದಿಲ್ಲ ಎಂದಿದೆ.ಹೊಸ 10 ರೂಪಾಯಿಯ ನೋಟಿನ ಎರಡೂ ಬದಿಯ ನಂಬರ್‌ ಪ್ಯಾನೆಲ್‌ನಲ್ಲಿ ಇಂಗ್ಲಿಷಿನ “ಎಲ್‌’ ಕ್ಯಾಪಿಟಲ್‌ ಅಕ್ಷರ ಇರಲಿದೆ. 2005ರ ಮಹಾತ್ಮಾ ಗಾಂಧಿ ಸರಣಿ ಹಾಗೆಯೇ ಮುಂದುವರಿಯಲಿದೆ. ಅಲ್ಲದೆ, ಆರ್‌ಬಿಐ ಗವರ್ನಲ್‌ ಡಾ. ಊರ್ಜಿತ್‌ ಪಟೇಲ್‌ ಹೆಸರು, ಮುದ್ರಣಗೊಂಡ ವರ್ಷ “2017′ ಹಿಂಬದಿಯಲ್ಲಿ ಇರಲಿದೆ.

ಎರಡೂ ಬದಿಯಲ್ಲಿನ ಸಂಖ್ಯೆಗಳ ಗಾತ್ರದಲ್ಲಿ ಬದಲಾವಣೆ ಆಗಲಿದೆ. ಎಡಭಾಗದ ಸಂಖ್ಯೆಗಳು ಸಣ್ಣದಾಗಿ, ಬಲಭಾಗದ ಸಂಖ್ಯೆಗಳು ದೊಡ್ಡದಾಗಿರಲಿವೆ. ನೋಟಿನ ಎಡಭಾಗದ ಮೂರು ಸಂಖ್ಯೆಗಳು ಸ್ಥಿರ ಗಾತ್ರವನ್ನು ಹೊಂದಿರಲಿವೆ. ಈಗಿರುವ ನೋಟುಗಳೊಂದಿಗೆ, ಹೊಸ ನೋಟುಗಳನ್ನೂ ವ್ಯವಹಾರಕ್ಕೆ ಬಳಸಿಕೊಳ್ಳಬಹುದಾಗಿದೆ.