ಉಗ್ರ ಸೈಫ‌ುಲ್ಲಾನ ತಂದೆ ನಿಲುವಿಂದ ಭಾರತಕ್ಕೆ ಹೆಮ್ಮೆ

Team Udayavani, Mar 10, 2017, 3:45 AM IST

ನವದೆಹಲಿ: “ಉಗ್ರ ಸೈಫ‌ುಲ್ಲಾನ ತಂದೆಯನ್ನು ನೋಡಿ ಇಡೀ ದೇಶ ಹೆಮ್ಮೆಪಡುಧಿತ್ತದೆ. ಸಂಸತ್‌ ಕೂಡ ಅವರನ್ನು ಅಭಿನಂದಿಸುತ್ತದೆ’ ಎಂದು ಕೇಂದ್ರ ಗೃಹ ಸಚಿವ ರಾಜನಾಥ್‌ ಸಿಂಗ್‌ ಲೋಕಸಭೆಗೆ ತಿಳಿಸಿದ್ದಾರೆ. 

“ನಾನು ಭಾರತೀಯ, ಉಗ್ರ ಮಗನ ದೇಹವನ್ನು ಮುಟ್ಟಲಾರೆ’ ಎಂದು ಸೈಫ‌ುಲ್ಲಾನ ಮೃತದೇಹವನ್ನು ತಂದೆ ಸರ್ತಾಜ್‌ ತಿರಸ್ಕರಿಸಿದ್ದರು. ಉ.ಪ್ರ. ಮತ್ತು ಮ.ಪ್ರ.ದಲ್ಲಿನ ಉಗ್ರರ ವಿರುದ್ಧದ ಕಾರ್ಯಾಚರಣೆ ಕುರಿತು ಮಾಹಿತಿ ನೀಡಿದ ರಾಜನಾಥ್‌ ಸಿಂಗ್‌, “ಸೈಫ‌ುಲ್ಲಾ ಶರಣಾಗತಿಗೆ ನಿರಾಕರಿಸಿದ ಕಾರಣಕ್ಕಾಗಿ ಎನ್‌ಕೌಂಟರ್‌ ಮಾಡಲಾಯಿತು. ಎರಡೂ ರಾಜ್ಯಗಳಲ್ಲಿ ಒಟ್ಟು 6 ಶಂಕಿತರನ್ನು ಬಂಧಿಸಲಾಗಿದೆ. ಕೇಂದ್ರ ಏಜೆನ್ಸಿ ಮತ್ತು ರಾಜ್ಯ ಪೊಲೀಸರ ನಡುವಿನ ಹೊಂದಾಣಿಕೆ ಇದ್ದರೆ ಉಗ್ರರನ್ನು ಹೇಗೆಲ್ಲ ಮಟ್ಟ ಹಾಕಬಹುದು ಎಂಬುದನ್ನು ಈ ಘಟನೆ ತೋರಿಸಿದೆ. ಉಭಯ ರಾಜ್ಯಗಳ ಪೊಲೀಸರು ಉಗ್ರರ ಜಾಡು ಹಿಡಿಯಲು ಅಪಾರ ಸಹಕರಿಸಿದರು. ರಾಷ್ಟ್ರೀಯ ಭದ್ರತೆ ಗಟ್ಟಿ ಆಗುವುದು ಇಂಥ ಸಂಬಂಧಗಳಿಂದಲೇ’ ಎಂದು ಪೊಲೀಸರ ಕಾರ್ಯವನ್ನು ಪ್ರಶಂಸಿಸಿದರು. ಪ್ರಕರಣವನ್ನು ರಾಷ್ಟ್ರೀಯ ತನಿಖಾ ದಳಕ್ಕೆ ವಹಿಸಿದ್ದಾಗಿ ತಿಳಿಸಿದರು.

ಇನ್ನೂ ಇಬ್ಬರ ಬಂಧನ: ಲಕ್ನೋದಲ್ಲಿನ ಗುಂಡಿನ ಚಕಮಕಿ ಮತ್ತು ಉಜ್ಜೆ„ನಿ ರೈಲಿನ ಸ್ಫೋಟದ ಹಿಂದಿನ ಮಾಸ್ಟರ್‌ವೆುçಂಡ್‌ನ‌ನ್ನು ಉಗ್ರ ನಿಗ್ರಹ ದಳ (ಎಟಿಎಸ್‌) ಗುರುವಾರ ಕಾನ್ಪುರದಲ್ಲಿ ಬಂಧಿಸಿದೆ. ಆತ ಭಾರತೀಯ ಸೇನೆಯ ಮಾಜಿ ಸೇನಾನಿ ಎಂಬ ಆಘಾತದ ಸಂಗತಿ ವಿಚಾರಣೆಯಲ್ಲಿ ತಿಳಿದುಬಂದಿದೆ. ಉ.ಪ್ರ. ಎಡಿಜಿ ದಲ್ಜಿತ್‌ ಚೌಧರಿ ಈ ಬಗ್ಗೆ ಸ್ಪಷ್ಟಪಡಿಸಿದ್ದು, “ಕಾನ್ಪುರದಲ್ಲಿ ಶಂಕಿತ ಮೊಹ್ಮದ್‌ ಗೌಸ್‌ ಖಾನ್‌ನನ್ನು ಬಂಧಿಸಲಾಗಿದೆ. ಆತ ಮಾಜಿ ಐಎಎಫ್. ಉಗ್ರಪಡೆಗೆ ತಾಂತ್ರಿಕ ನೆರವನ್ನು ಒದಗಿಸುತ್ತಿದ್ದ. ಈತನ ವಿಚಾರಣೆ ವೇಳೆ ಅಜರ್‌ ಎಂಬ ಶಂಕಿತನ ಹೆಸರು ಬಹಿರಂಗವಾಗಿದ್ದು, ಆತನನ್ನೂ ಬಂಧಿಸಲಾಗಿದೆ’ ಎಂದಿದ್ದಾರೆ. ಉಗ್ರನ ಎನ್‌ಕೌಂಟರ್‌ ಬಳಿಕ ಒಟ್ಟು ಐವರು ಶಂಕಿತರನ್ನು ಉತ್ತರ ಪ್ರದೇಶ ಪೊಲೀಸರು ಬಂಧಿಸಿದ್ದಾರೆ. 

ಡಿಗ್ಗಿಗೆ ಒವೈಸಿ ತಿರುಗೇಟು
ಬಿಜೆಪಿ ಸರ್ಕಾರ ಮುಸ್ಲಿಮರನ್ನು ಕಡೆಗಣಿಸಿದ ಕಾರಣಕ್ಕೆ ಯುವಕರು ಉಗ್ರರಾಗುತ್ತಿದ್ದಾರೆ ಎಂದು ಟ್ವೀಟಿಸಿದ್ದ ಕಾಂಗ್ರೆಸ್‌ ಮುಖಂಡ ದಿಗ್ವಿಜಯ್‌ ಸಿಂಗ್‌ಗೆ ಎಐಎಂಐಎಂ ಮುಖ್ಯಸ್ಥ ಅಸಾದುದ್ದೀನ್‌ ಒವೈಸಿ ತಿರುಗೇಟು ನೀಡಿದ್ದಾರೆ. “ದಿಗ್ವಿಜಯ್‌ ಬಹುಶಃ ಉಗ್ರತಜ್ಞ ಇದ್ದಿರಬಹುದು. ಆದರೆ, ನಾನಲ್ಲ. ಮಹಾರಾಷ್ಟ್ರದಲ್ಲಿ ಕಾಂಗ್ರೆಸ್‌ 15 ವರ್ಷ ಅಧಿಕಾರದಲ್ಲಿದ್ದಾಗ 28 ಮಂದಿ ಅಮಾಯಕ ಮುಸ್ಲಿಮರನ್ನು ಜೈಲಲ್ಲಿಟ್ಟು ಹಿಂಸಿಸಿತ್ತು. ಕಾಂಗ್ರೆಸ್‌ ಆಡಳಿತದಲ್ಲಿ ದೇಶದಲ್ಲಿ ಇಂಥ ಹಲವು ಉದಾಹರಣೆ ಸಿಗುತ್ತವೆ. ಸೆಕ್ಯುಲರಿಸಂ ಅಂಗಡಿಯನ್ನು ಕಾಂಗ್ರೆಸ್‌ ಮುಚ್ಚಬೇಕು. ಬಿಜೆಪಿ ರಾಷ್ಟ್ರೀಯತೆಯ ಅಂಗಡಿ ನಡೆಸುವುದನ್ನು ನಿಲ್ಲಿಸಬೇಕು’ ಎಂದು ಕುಟುಕಿದ್ದಾರೆ.

ಒಬ್ಬ ಸಾಮಾನ್ಯನ ನಿರ್ಧಾರವನ್ನು ಸಂಸತ್‌ ಗೌರವಿಸಿದ್ದಕ್ಕೆ ಖುಷಿ ಆಗಿದೆ. ದೇಶಕ್ಕೆ ಒಳ್ಳೆಯ ಸಂದೇಶ ರವಾನೆಯಾಗಿದೆ.
– ಸರ್ತಾಜ್‌, ಉಗ್ರನ ತಂದೆ