ಮಾರುಕಟ್ಟೆಗೆ ಬರಲಿದೆ ಕೋಲ ಪ್ಯಾಕೇಜ್‌ ಎಳನೀರು

Team Udayavani, Mar 11, 2017, 3:45 AM IST

ನವದೆಹಲಿ: ತಮಿಳುನಾಡು, ಕೇರಳ ರಾಜ್ಯದಲ್ಲಿ ಕೆಲ ವಾಣಿಜ್ಯ ಸಂಘಟನೆಗಳು ಕೋಕಾಕೋಲ, ಪೆಪ್ಸಿಕೋ ಕಂಪನಿಗಳ ಉತ್ಪನ್ನ ಮಾರಾಟದಿಂದ ಈಗಾಗಲೇ ಹಿಂದೆ ಸರಿದಿವೆ. ಜತೆಗೆ ಹೆಚ್ಚಿನ ಪ್ರಮಾಣದಲ್ಲಿ ಅಂತರ್ಜಲ ಬಳಕೆ ಮಾಡುವ ಆರೋಪಕ್ಕೂ ಗುರಿಯಾಗಿವೆ. ಈ ವಿಚಾರಗಳನ್ನು ಸಮರ್ಥವಾಗಿ ಎದುರಿಸುವ ನಿಟ್ಟಿನಲ್ಲಿ ಕೋಕಕೋಲ ದೇಶದಲ್ಲಿ ಪ್ಯಾಕ್‌ ಮಾಡಿದ ಎಳನೀರು ಮಾರಾಟಕ್ಕೆ ಮುಂದಾಗಿದೆ. 

ಜಗತ್ತಿನಾದ್ಯಂತ ಪ್ಯಾಕ್‌ ಮಾಡಿದ ಎಳನೀರಿಗೆ ಬೇಡಿಕೆ ಇರುವುದರಿಂದ ಅಮೆರಿಕದ ಜಿಕೊ ಎಂಬ ಎಳನೀರು ಬ್ರಾಂಡ್‌ ಅನ್ನು ಖರೀದಿಸಿತ್ತು. ಈ ಬ್ರಾಂಡ್‌ಗೆ ವಿಶ್ವಾದ್ಯಂತ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ ಎಂದು ಅದರ ವೆಬ್‌ಸೈಟ್‌ನಲ್ಲಿ ಅಪ್‌ಲೋಡ್‌ ಮಾಡಲಾಗಿರುವ ಮಾಹಿತಿಯಲ್ಲಿ ಪ್ರಸ್ತಾಪಿಸಲಾಗಿದೆ. ದೇಶದ ಎರಡು ಪ್ರಮುಖ ನಗರಗಳಲ್ಲಿ ಜಿಕೋ ಬ್ರಾಂಡ್‌ನ‌ ಎಳನೀರನ್ನು ಪ್ರಾಯೋಗಿಕವಾಗಿ ಮಾರುಕಟ್ಟೆಗೆ ಬಿಡುಗಡೆ ಮಾಡಲು ಮುಂದಾಗಿದೆ. ಕೋಕಾಕೋಲ ಸೇವನೆಯಿಂದ ಆರೋಗ್ಯಕ್ಕೆ ಹಾನಿಕಾರಕ ಎಂಬ ಧ್ವನಿ ಕೇಳಿಬರುತ್ತಿರುವ ಸಂದರ್ಭದಲ್ಲಿ ಕಂಪನಿ ಈ ಹೊಸ ಸಾಹಸಕ್ಕೆ ಮುಂದಾಗಿದೆ.