ಶಾರ್ಟ್‌ ಸರ್ಕ್ನೂಟ್‌:  ರಬ್ಬರ್‌, ಗೇರುತೋಟ ನಾಶ

Team Udayavani, Mar 13, 2017, 1:00 PM IST

ಆಲಂಕಾರು:  ಪೆರಾಬೆ ಗ್ರಾಮದ ಕುಂಟ್ಯಾನಲ್ಲಿ ವಿದ್ಯುತ್‌ ಶಾರ್ಟ್‌ ಸರ್ಕ್ನೂಟ್‌ನಿಂದ ಐದು ಎಕ್ರೆ ರಬ್ಬರ್‌ ತೋಟ ಮತ್ತು ಗೇರು ತೋಪು ಬೆಂಕಿಗೆ ಆಹುತಿಯಾದ ಘಟನೆ ರವಿವಾರ ಸಂಜೆ ಸಂಭವಿಸಿದೆ.

ಪೆರಾಬೆ ಗ್ರಾಮದ ಕುಂಟ್ಯಾನ ಕುಶಾಲಪ್ಪ ಗೌಡ ಅವರ ಏಳು ವರ್ಷದ 350 ರಬ್ಬರ್‌ ಗಿಡಗಳು ಬೆಂಕಿಗೆ ಆಹುತಿಯಾಗಿ 2ಲಕ್ಷ ನಷ್ಟ ಸಂಭವಿಸಿದರೆ, ಕುಂಟ್ಯಾನ ಚೆನ್ನಪ್ಪ ಗೌಡರ 200 ರಬ್ಬರ್‌ ಮತ್ತು 150 ಗೇರು ಗಿಡ ಬೆಂಕಿಗೆ ಬಲಿಯಾಗಿ ಅಂದಾಜು ರೂ. 2ಲಕ್ಷ ನಷ್ಟ ಸಂಭವಿಸಿದೆ. ವಿದ್ಯುತ್‌ ಶಾರ್ಟ್‌ ಸರ್ಕ್ನೂಟ್‌ನಿಂದ ಬೆಂಕಿ ಕಾಣಿಸಿಕೊಂಡಿದೆ.  

ಕಳೆದ ವರ್ಷವೂ ಕುಂಟ್ಯಾನ ಚೆನ್ನಪ್ಪ ಗೌಡ ಅವರ ರಬ್ಬರ್‌ ತೋಟವು ವಿದ್ಯುತ್‌ ಶಾರ್ಟ್‌ ಸರ್ಕ್ನೂಟ್‌ನಿಂದ ಬೆಂಕಿಗೆ ಆಹುತಿಯಾಗಿತ್ತು. ಮೆಸ್ಕಾಂ ಸಿಬಂದಿಯ ನಿರ್ಲಕ್ಷ್ಯವೇ ಬೆಂಕಿಗೆ ಕಾರಣವಾಗಿದೆ ಎಂದು ಸಂತ್ರಸ್ತರು ಆರೋಪಿಸಿದ್ದಾರೆ. ಬೆಂಕಿ ಬಿದ್ದ ಸುದ್ದಿ ತಿಳಿದ  ಕುಂಟ್ಯಾನ, ಇಡಾಳದ ನಾಗರಿಕರು  ಮತ್ತು ಬಜರಂಗ ದಳದ ಸದಸ್ಯರು ಧಾವಿಸಿ ಬೆಂಕಿ ಆರಿಸಲು ಪ್ರಯತ್ನಿಸಿದರು. ಬೆಂಕಿ ಹತೋಟಿಗೆ ಬಾರದ ಕಾರಣ ಪುತ್ತೂರು ಅಗ್ನಿಶಾಮಕ ದಳಕ್ಕೆ ತಿಳಿಸಲಾಯಿತು.  ಕುಶಾಲಪ್ಪ ಗೌಡ ಮತ್ತು ಸಿಬಂದಿಯ ಅಗ್ನಿಶಾಮಕ ದಳ  ಕೂಡಲೇ ಆಗಮಿಸಿ ಬೆಂಕಿ ಆರಿಸಿತು.