ಒಂದಾನೊಂದು ದಿನ ಶ್ರದ್ಧಾ ಶ್ರೀನಾಥ್!
Team Udayavani, Mar 16, 2017, 3:11 PM IST
ಕನ್ನಡದ ನಟಿಮಣಿಗಳಿಗೀಗ ಕಿರುಚಿತ್ರಗಳ ಮೇಲೆ ಅತಿಯಾದ ಪ್ರೀತಿ ಹೆಚ್ಚಾಗಿದೆ. ಹೌದು, ಇತ್ತೀಚೆಗಷ್ಟೇ ಶ್ರುತಿಹರಿಹರನ್ ಹಾಗೂ ರಚಿತಾರಾಮ್ ಇವರಿಬ್ಬರೂ ಕಿರುಚಿತ್ರಗಳನ್ನು ನಿರ್ಮಿಸುವುದರ ಮೂಲಕ ತಾವೂ ನಿರ್ಮಾಪಕರು ಎಂದೆನಿಸಿಕೊಂಡಿದ್ದಾರೆ. ಇನ್ನು, “ರಂಗಿತರಂಗ’ ಚಿತ್ರದ ನಾಯಕಿಯಾಗಿದ್ದ ರಾಧಿಕಾ ಚೇತನ್ ಕೂಡ “ನೆವರ್ ಎಂಡ್’ ಎಂಬ ಕಿರುಚಿತ್ರದಲ್ಲಿ ನಟಿಸಿದ್ದಾಗಿದೆ. ಈಗ ಹೊಸ ಸುದ್ದಿಯೆಂದರೆ, “ಯು ಟರ್ನ್’ ಬೆಡಗಿ ಶ್ರದ್ಧಾಶ್ರೀನಾಥ್ ಕೂಡ ಕಿರುಚಿತ್ರದಲ್ಲಿ ಕಾಣಿಸಿಕೊಳ್ಳುವ ಮೂಲಕ ಹೊಸಬರ ತಂಡಕ್ಕೆ ಬೆಂಬಲವಾಗಿದ್ದಾರೆ. ಹಾಗೆ ನೋಡಿದರೆ, ಶ್ರದ್ಧಾ ಶ್ರೀನಾಥ್, ಮೊದಲ ಸಿನಿಮಾ ಬಳಿಕ ಸಾಕಷ್ಟು ಬಿಜಿಯಾಗಿದ್ದುಂಟು. ಆ ಬಿಜಿಯ ನಡುವೆಯೇ ಅವರು ಹೊಸಬರ ಜತೆ ಕಿರುಚಿತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. ಅಂದಹಾಗೆ, ಆ ಕಿರುಚಿತ್ರದ ಹೆಸರು “ಒಂದಾನೊಂದು ದಿನ’. ಈ ಕಿರುಚಿತ್ರಕ್ಕೆ ಸಂಚಿತ್ ಸಂಜೀವ್ ನಿರ್ದೇಶಕರು.
ಸಂಚಿತ್ ಸಂಜೀವ್ ಅವರು ನ್ಯೂಯಾಕ್ìನಲ್ಲಿ ಅಕಾಡೆಮಿಕ್ ಆಗಿ ಸಿನಿಮಾ ಅಧ್ಯಯನ ಮಾಡಿದ್ದಾರೆ. ಅವರಿಗೆ ಒಂದು ಕಿರುಚಿತ್ರ ಮಾಡಬೇಕು ಎಂಬ ಉದ್ದೇಶವಿತ್ತು. ಅಮ್ಮ ಮತ್ತು ಮಗಳ ನಡುವಿನ ಕುರಿತಾದ ಒಂದು ಕಥೆ ಹೆಣೆದು, ಅದನ್ನು ಚಿತ್ರೀಕರಿಸಿ, ಈಗಾಗಲೇ ಯು ಟ್ಯೂಬ್ಗ ಅಪ್ಲೋಡ್ ಕೂಡ ಮಾಡಿದ್ದಾರೆ. ಆ ಕಿರುಚಿತ್ರಕ್ಕೆ ಎಲ್ಲೆಡೆಯಿಂದ ಒಳ್ಳೆಯ ಮೆಚ್ಚುಗೆಯೂ ಸಿಕ್ಕಾಗಿದೆ.
ಶ್ರದ್ಧಾಶ್ರೀನಾಥ್ “ಒಂದಾನೊಂದು ದಿನ’ ಕಿರುಚಿತ್ರದಲ್ಲಿ ಮಗಳಾಗಿ ನಟಿಸಿದರೆ, ಸುಧಾಬೆಳವಾಡಿ ಅವರು ತಾಯಿಯಾಗಿ ಕಾಣಿಸಿಕೊಂಡಿದ್ದಾರೆ. ಇದಕ್ಕೂ ಮುನ್ನ, ನಿರ್ದೇಶಕ ಸಂಚಿತ್ ಸಂಜೀವ್ ಅವರು ಕಿರುಚಿತ್ರದ ಕಥೆಯ ಒನ್ಲೈನ್ ಹೇಳಿದ ತಕ್ಷಣ, ಶ್ರದ್ಧಾ ಶ್ರೀನಾಥ್ ನಟಿಸಲು ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. ಆ ಕಥೆ ಒಂದು ತಾಯಿ ಮತ್ತು ಮಗಳ ನಡುವೆ ಇರುವಂಥದ್ದು. ಎಲ್ಲಾ ತಾಯಂದಿರು, ಹಾಗೂ ಹೆಣ್ಣು ಮಕ್ಕಳಿಗೆ ಇಷ್ಟವಾಗುವಂತಹ ಕಥೆ ಅದಾಗಿದ್ದರಿಂದ ಅವರು ನಟಿಸಿದ್ದಾರೆ. ಅಂದಹಾಗೆ, ಅವರೀಗ ಸಿನಿಮಾಗಳಲ್ಲಿ ಬಿಜಿ. ಅದರ ನಡುವೆ ಕಿರುಚಿತ್ರದಲ್ಲಿ ನಟಿಸಿರುವ ಬಗ್ಗೆ ಹೆಮ್ಮೆಯೂ ಇದೆ. ಅದೇನೆ ಇರಲಿ, ಶ್ರದ್ಧಾ ಶ್ರೀನಾಥ್ಗೆ ಇನ್ನೂ ಇಂತಹ ಒಳ್ಳೆಯ ಕಥೆಗಳು ಬಂದಲ್ಲಿ, ಸಮಯ ಬಿಡುವು ಮಾಡಿಕೊಂಡು ನಟಿಸುವ ಆಸೆ ಇದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Tender Scam: ಹಿರಿಯ ಐಎಎಸ್ ಅಧಿಕಾರಿ, ಮಾಜಿ ಆರ್ಜೆಡಿ ಶಾಸಕ ಅರೆಸ್ಟ್
Thirthahalli: ಬೈಕ್- ಲಾರಿ ಅಪಘಾತ; ಸವಾರನಿಗೆ ಗಂಭೀರ ಗಾಯ
Mudhol: ಘಟಪ್ರಭಾ ನದಿಗೆ ಹರಿದು ಬಂದ ಹೆಚ್ಚಿನ ನೀರು… ಮುಳುಗಿದ ಬ್ಯಾರೇಜ್
Threat: ದೆಹಲಿಯಿಂದ ಲಂಡನ್ ಗೆ ಹೊರಟಿದ್ದ ವಿಮಾನಕ್ಕೆ ಬಾಂಬ್ ಬೆದರಿಕೆ.. ತುರ್ತು ಲ್ಯಾಂಡಿಂಗ್
Siruguppa: ಆಸ್ತಿಗಾಗಿ ಮಗಳನ್ನು ಕೊಲೆ ಮಾಡಲು ಮುಂದಾದ ತಂದೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.