ನಾಪತ್ತೆಯಾಗಿದ್ದ ಧೋನಿ ಮೊಬೈಲ್‌ ಪತ್ತೆ

Team Udayavani, Mar 20, 2017, 3:02 PM IST

ಹೊಸದಿಲ್ಲಿ: ಮಾ.17ರಂದು ದ್ವಾರಕಾದ ವೆಲ್‌ಕಮ್‌ ಐಟಿಸಿ ಹೊಟೇಲ್‌ ಸಂಕೀರ್ಣದಲ್ಲಿ ಸಂಭವಿಸಿದ ಅಗ್ನಿ ಅವಘಡದ ಸಂದರ್ಭದಲ್ಲಿ ನಾಪತ್ತೆಯಾಗಿದ್ದ ಕ್ರಿಕೆಟಿಗ ಧೋನಿ ಅವರ ಮೂರು ಮೊಬೈಲ್‌ಗ‌ಳು ಪತ್ತೆಯಾಗಿವೆ. ವಿಜಯ್‌ ಹಜಾರೆ ಟ್ರೋಫಿ ಸೆಮಿಫೈನಲ್‌ ಪಂದ್ಯಕ್ಕಾಗಿ ಧೋನಿ ನೇತೃತ್ವದ ಝಾರ್ಖಂಡ್‌ ತಂಡ ದಿಲ್ಲಿಯಲ್ಲಿ ವಾಸ್ತವ್ಯ ಹೂಡಿತ್ತು. ಮಾ.17ರ ಬೆಳಗ್ಗೆ ಧೋನಿ ಸೇರಿದಂತೆ ಇತರ ಆಟಗಾರರು ಉಪಾಹಾರ ಸೇವಿಸಲು ಹೊಟೇಲ್‌ನ ಮೊದಲ ಮಹಡಿಗೆ ಬಂದಿದ್ದರು. ಇದೇ ಸಂದರ್ಭದಲ್ಲಿ ಹೊಟೇಲ್‌ ಸಂಕೀರ್ಣದಲ್ಲಿ ಬೆಂಕಿ ಕಾಣಿಸಿಕೊಂಡಿದೆ. 

ಅನಂತರ ಸುರಕ್ಷತೆಯ ದೃಷ್ಟಿಯಿಂದ ಆಟಗಾರರನ್ನು ಬೇರೆ ಹೊಟೇಲ್‌ಗೆ ಸ್ಥಳಾಂತರಿಸಲಾಗಿತ್ತು. ಧೋನಿಯ ಸಿಬಂದಿ ಪರಿಕರಗಳನ್ನು ಪಡೆಯಲು ಹೋದಾಗ 3 ಮೊಬೈಲ್‌ ಹೊರತುಪಡಿಸಿ ಉಳಿದೆಲ್ಲ ವಸ್ತುಗಳು ಸಿಕ್ಕಿದ್ದವು. ಹೀಗಾಗಿ ಧೋನಿ ದಿಲ್ಲಿಯ ದ್ವಾರಕಾ ಪೊಲೀಸ್‌ ಠಾಣೆಗೆ ದೂರು ನೀಡಿದ್ದರು. ದೂರಿನ ಬಳಿಕ ಪೊಲೀಸರು ಹೊಟೇಲ್‌ ಸಿಬಂದಿಯನ್ನು ವಿಚಾರಿಸಿದ್ದಾರೆ. ಮೂವರು ಸಿಬಂದಿಯಲ್ಲಿ ಒಬ್ಟಾತ ಮೊಬೈಲನ್ನು ಎತ್ತಿಕೊಂಡಿದ್ದರು. ಪೊಲೀಸರ ವಿಚಾರಣೆ ಅನಂತರ ಮೊಬೈಲನ್ನು ಹಿಂದಿರುಗಿಸಿದ್ದಾರೆ. ಇದು ಕೇವಲ ತಪ್ಪು ತಿಳಿವಳಿಕೆಯಿಂದ ಆಗಿದ್ದು ಎಂದು ಪೊಲೀಸರು ತಿಳಿಸಿದ್ದಾರೆ.