ತ್ರಿವಳಿ ತಲಾಖ್‌, ಗೋಹತ್ಯೆ ವಿರುದ್ಧ  ಫ‌ತ್ವಾ

Team Udayavani, Apr 6, 2017, 11:35 AM IST

ಹೊಸದಿಲ್ಲಿ: ದೇಶಾದ್ಯಂತ ಮುಸ್ಲಿಂ ಸಮುದಾಯದಲ್ಲಿನ ತ್ರಿವಳಿ ತಲಾಖ್‌, ಗೋಹತ್ಯೆ ವಿಚಾರ ವ್ಯಾಪಕ ಚರ್ಚೆಗೊಳಗಾಗುತ್ತಿರುವಂತೆಯೇ, ಎರಡೂ ವಿಚಾರಗಳ ವಿರುದ್ಧ ಶಿಯಾ ವೈಯಕ್ತಿಕ ಕಾನೂನು ಮಂಡಳಿ (ಎಐಎಸ್‌ಪಿಎಲ್‌ಬಿ) ಫ‌ತ್ವಾ ಹೊರಡಿಸಿದೆ. ಜೊತೆಗೆ ರಾಮಜನ್ಮಭೂಮಿ ವಿವಾದವನ್ನು ನ್ಯಾಯಾಲಯದ ಹೊರಗೆ ತೀರ್ಮಾನಿಸಬೇಕು ಎಂಬ ನಿರ್ಧಾರವನ್ನು ಪ್ರಕಟಿಸಿದೆ. ಬುಧವಾರ ಲಕ್ನೋದಲ್ಲಿ ನಡೆದ ಸಭೆಯಲ್ಲಿ ಶಿಯಾದ ಉನ್ನತ ಮೌಲ್ವಿ ಇರಾಕ್‌ನ ಅಯತುಲ್ಲಾ ಶೇಖ್‌ ಬಶೀರ್‌ ಹುಸೈನ್‌ ನಜಾಫಿ ಅವರ ಬಳಿ ಗೋಹತ್ಯೆ ವಿಚಾರದಲ್ಲಿ ಅಭಿಪ್ರಾಯ ಕೇಳಲಾಗಿದೆ.

ಅವರ ಅಭಿಪ್ರಾಯ ಪ್ರಕಾರ, ಶಿಯಾ ಸಮುದಾಯ ಗೋಹತ್ಯೆ ನಡೆಸದಂತೆ ಫ‌ತ್ವಾ ಹೊರಡಿಸಲಾಗಿದೆ. ಇತರ ಧರ್ಮದ ಧಾರ್ಮಿಕ ಧೋರಣೆಗಳನ್ನೂ ಗೌರವಿಸುವುದು ಅಗತ್ಯವಾಗಿದೆ ಎಂದು ಶಿಯಾ ವೈಯಕ್ತಿಕ ಕಾನೂನು ಮಂಡಳಿಯ ಸದಸ್ಯ ಮೌಲಾನಾ ಯಾಸೂಬ್‌ ಅಬ್ಟಾಸ್‌  ಹೇಳಿದ್ದಾರೆ. ಇದರೊಂದಿಗೆ ಒಂದೇ ಬಾರಿ ತ್ರಿವಳಿ ತಲಾಖ್‌ ಹೇಳಿ ವಿಚ್ಛೇದನ ನೀಡುವುದು ಸರಿಯಾದ ನಡೆ ಅಲ್ಲ. ತ್ರಿವಳಿ ತಲಾಖ್‌ ವಿಚಾರದಲ್ಲಿ ಮುಂದಿನ ಮೂರ್‍ನಾಲ್ಕು ದಿನಗಳಲ್ಲಿ ಸುಪ್ರೀಂ ಕೋರ್ಟ್‌ಗೆ ಅರ್ಜಿ ಸಲ್ಲಿಸಿ ನಮ್ಮನ್ನೂ ಪ್ರತಿವಾದಿಗಳನ್ನಾಗಿ ಮಾಡುವಂತೆ ಕೇಳಿಕೊಳ್ಳುತ್ತೇವೆ ಎಂದಿದ್ದಾರೆ.