![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
ಬ್ರೇಕ್ ನಂತರ ಬೆಚ್ಚಿಬಿದ್ದ ಸುದ್ದಿ ನಿರೂಪಕಿ!
Team Udayavani, Apr 11, 2017, 3:50 AM IST
![10-NATIONAL-9.jpg](https://www.udayavani.com/wp-content/uploads/2017/04/10/10-NATIONAL-9-555x465.jpg)
ಸಿಡ್ನಿ: “ಈಗ ಒಂದು ಸಣ್ಣ ಬ್ರೇಕ್. ಬ್ರೇಕ್ನ ನಂತರ ಸುದ್ದಿ ಮುಂದುವರಿಯುತ್ತೆ,’ ಎನ್ನುವ ಸುದ್ದಿ ನಿರೂಪಕರು ಈ “ಬ್ರೇಕ್’ ಅವಧಿಯಲ್ಲಿ ಫೋನ್ ಕಡೆ ಕಣ್ಣಾಯಿಸುವುದು, ಹಾಡು ಹಾಡುವುದು, ತಲೆ ಬಾಚಿಕೊಳ್ಳುವುದು, ಲಿಪ್ಸ್ಟಿಕ್ ಹಚ್ಚಿಕೊಳ್ಳೋದು, ಆಕಳಿಸೋದು, ಮೈಮುರಿಯೋದು ಎಲ್ಲವನ್ನೂ ಮಾಡುತ್ತಾರೆ. ಆದರೆ ಇದಾವುದೂ ವೀಕ್ಷಕರಿಗೆ ಕಾಣಿಸುವುದಿಲ್ಲ. ಬ್ರೇಕ್ ಟೈಮ್ ಮುಗಿಯುಲು ಕ್ಷಣ ಗಣನೆ ಆರಂಭವಾದಂತೆ, ಬ್ರೇಕ್ ವೇಳೆ ಹೆಂಗೆಂಗೋ ಆಡುವ ಸುದ್ದಿ ವಾಚಕರನ್ನು ಸ್ಟುಡಿಯೋದಲ್ಲಿರುವ ತಾಂತ್ರಿಕ ಸಿಬ್ಬಂದಿ ಎಚ್ಚರಿಸುತ್ತಾರೆ. ದುರಾದೃಷ್ಟವಶಾತ್ ಆಸ್ಟ್ರೇಲಿಯಾದ “ಎಬಿಸಿ 24′ ಸುದ್ದಿ ವಾಹಿನಿಯ ಸುದ್ದಿ ನಿರೂಪಕಿ ನತಾಶಾ ಎಕ್ಸೆಲೆº ಅವರಿಗೆ ಅಂಥ ಅವಕಾಶವೇ ಸಿಗಲಿಲ್ಲ.
ಸಂಜೆಯ ಸುದ್ದಿ ಓದುತ್ತಿದ್ದ ನತಾಶಾ, “ಲೆಟ್ಸ್ ಟೇಕ್ ಎ ಬ್ರೇಕ್’ ಎಂದ ನಂತರ ಪೆನ್ ಜತೆ ಆಟವಾಡುವುದರಲ್ಲಿ ತಲ್ಲೀನಳಾಗಿದ್ದರು. ಈ ನಡುವೆ ಬ್ರೇಕ್ ಟೈಂ ಮುಗಿದದ್ದು ಆಕೆ ಗಮನಕ್ಕೇ ಬಂದಿಲ್ಲ. ಆದರೆ ಆಕೆ ಪೆನ್ ಜತೆ ಆಟವಾಡುವ ದೃಶ್ಯ ಪ್ರಸಾರವಾಗಿದೆ. ತನ್ನೆದುರಿನ ಟಿವಿ ಪರದೆ ನೋಡಿ ಊರಗಲ ಬಾಯಿ ತೆರೆದು ಬೆಚ್ಚಿಬಿದ್ದ ನಿರೂಪಕಿ, ಮರುಕ್ಷಣವೇ ಕ್ರೀಡಾ ಸುದ್ದಿಗಳನ್ನು ಓದಲು ಶುರು ಮಾಡುತ್ತಾಳೆ.
ಈ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಜನ ನತಾಶಾಳ ಪ್ರತಿಕ್ರಿಯೆಯನ್ನ ಮತ್ತೆ ಮತ್ತೆ ನೋಡಿ, ಬಿದ್ದು ಬಿದ್ದು ನಗುತ್ತಿದ್ದಾರೆ. 2013ರಲ್ಲಿ ಗಂಭೀರವಾದ ವರದಿ ಪ್ರಸ್ತುತಪಡಿಸುವಾಗ ನಕ್ಕಿದ್ದ ನತಾಶಾ, ನಂತರ ಕ್ಷಮೆ ಯಾಚಿಸಿದ್ದರು.
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.