ಚಿತ್ರಮಂದಿರದಲ್ಲಿ ಲೇಡಿ ಪೊಲೀಸ್‌ಗೆ ಕಿರಿಕ್‌!: ಕಾಮುಕನಿಗೆ ಗೂಸಾ !

Team Udayavani, Apr 15, 2017, 4:47 PM IST

ಹಾಸನ : ಇಲ್ಲಿನ ಚಿತ್ರಮಂದಿರವೊಂದರಲ್ಲಿ ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಅಭಿನಯದ ಚಕ್ರವರ್ತಿ ಚಿತ್ರದ ಪ್ರದರ್ಶನದ ವೇಳೆ ಮಹಿಳಾ ಪೇದೆಯೊಬ್ಬರಿಗೆ ಕಿರಿಕ್‌ ಮಾಡಿ ಯುವಕನೊಬ್ಬ ಹಿಗ್ಗಾಮುಗ್ಗಾ ಏಟು ತಿಂದ ಘಟನೆ ಶುಕ್ರವಾರ ನಡೆದಿದೆ.

ಎಸ್‌ಜಿಬಿ ಚಿತ್ರಮಂದಿರದಲ್ಲಿ ಘಟನೆ ನಡೆದಿದ್ದು  ರೈಲ್ಲೇ ಇಲಾಖೆಯ ಮಹಿಳಾ ಪೊಲೀಸ್‌ ಪೇದೆ ಭಾರತಿ ಅವರು ರಾತ್ರಿ ಚಿತ್ರ ವೀಕ್ಷಿಸಲು ಬಂದಿದ್ದರು. ಪ್ರದರ್ಶನ ನಡೆಯುವ ವೇಳೆ ಕಾಮುಕ ಯುವಕನೊಬ್ಬ ಕುಡಿದು ಬಂದಿದ್ದು , ಚೇಷ್ಠೆ ಶುರುವಿಟ್ಟುಕೊಂಡಿದ್ದಾನೆ. ಪಕ್ಕದಲ್ಲಿ ಕುಳಿತು ಕಾಲು ತಾಗಿಸಿ ತೊಂದರೆ ನೀಡಲು ಶುರುವಿಟ್ಟುಕೊಂಡಿದ್ದ, ಸಾಮದಿಂದ ಸರಿ ಕುಳಿತುಕೊಳ್ಳುವಂತೆ ಎಚ್ಚರಿಕೆ ನೀಡಿದ್ದಾರೆ. ಆದರೂ ತನ್ನ ಕುಚೇಷ್ಠೆ ಮುಂದುವರಿಸಿದ್ದಾನೆ . 

ಕೂಡಲೆ ಭಾರತಿ ಅವರು ಯುವಕನನ್ನು ಚಿತ್ರಮಂದಿರದ ಹೊರಗೆ ಎಳೆದೊಯ್ದು ಕಪಾಳಕ್ಕೆ ನಾಲ್ಕೇಟು ಬಾರಿಸಿದ್ದಾರೆ. ಈ ವೇಳೆ ಚಿತ್ರಮಂದಿರದಲ್ಲಿದ್ದ ಇತರ ಪ್ರೇಕ್ಷಕರು ಕುತೂಹಲಿಗಳಾಗಿ ಚಿತ್ರ ವೀಕ್ಷಿಸುವುದನ್ನು ಬಿಟ್ಟು ಹೊರಗೆ ಬಂದು ಆಳಿಗೊಂದರಂತೆ ನಾಲ್ಕೇಟು ಬಾರಿಸಿದ್ದಾರೆ.

ಹಿಗ್ಗಾಮುಗ್ಗಾ ಥಳಿತಕ್ಕೊಳಗಾದ ಬಳಿಕ ಯುವಕ ಭಾರತಿ ಅವರ ಕಾಲಿಗೆ ಬಿದ್ದು ಕ್ಷಮೆ ಯಾಚಿಸಿದ್ದಾನೆ. 

ಯುವಕ ಚಿಕ್ಕಮಗಳೂರು ಮೂಲದವನು ಎನ್ನಲಾಗಿದ್ದು , ಯಾವುದೇ ಪ್ರಕರಣ ದಾಖಲಾದ ಬಗ್ಗೆ ವರದಿಯಾಗಿಲ್ಲ.