![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
ಠುಸ್ಸಾಯಿತು ಉತ್ತರ ಕೊರಿಯಾ ಕ್ಷಿಪಣಿ!
Team Udayavani, Apr 17, 2017, 9:51 AM IST
![17-BIG-5.jpg](https://www.udayavani.com/wp-content/uploads/2017/04/17/17-BIG-5.jpg)
ವಾಷಿಂಗ್ಟನ್: ಅಮೆರಿಕ ತನ್ನ ಮೇಲೆ ದಾಳಿ ನಡೆಸಿದರೆ ಪ್ರಬಲ ಪ್ರತ್ಯುತ್ತರ ನೀಡುವುದಾಗಿ ಶನಿವಾರ ಉತ್ತರ ಕೊರಿಯಾ ಅಬ್ಬರಿಸಿತ್ತು. ಅದಕ್ಕೆ ಪೂರಕವಾಗಿ ಹೊಸ ಮಾದರಿಯ ಕ್ಷಿಪಣಿ ಪ್ರಯೋಗಕ್ಕೆ ಮುಂದಾಗಿ ವಿಫಲ ಗೊಂಡಿದೆ. ಈ ಬಗ್ಗೆ ಅಮೆರಿಕದ ರಕ್ಷಣಾ ಇಲಾಖೆ ಖಚಿತಪಡಿಸಿದೆ. ಉ. ಕೊರಿಯಾ ರಾಜಧಾನಿ ಪಾಂಗ್ಯಾಂಗ್ನಲ್ಲಿ ಅದ್ದೂರಿ ಪರೇಡ್ನಲ್ಲಿ ಹೊಸ ಮಾದರಿ ಕ್ಷಿಪಣಿಗಳನ್ನು ತೋರಿಸಲಾಗಿತ್ತು.
“ಪರೀಕ್ಷಾರ್ಥವಾಗಿ ಉಡಾಯಿಸ ಬೇಕಾಗಿದ್ದ ಕ್ಷಿಪಣಿಗಳು ಆರಂಭದಲ್ಲೇ ವಿಫಲ ಹೊಂದಿವೆ’ ಎಂದು ಅಮೆರಿಕದ ಪೆಸಿಫಿಕ್ ಕಮಾಂಡ್ನ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಖಂಡಾಂ ತರ ಕ್ಷಿಪಣಿಯ ಉದ್ದೇಶಿತ ಪರೀಕ್ಷಾರ್ಥ ಉಡಾವಣೆ ಉತ್ತರ ಕೊರಿಯಾದ ಸಿನ್ಫೋ ಸಮೀಪ ನಡೆಯಬೇಕಾಗಿತ್ತು. ಈ ನಗರ ಜಪಾನ್ ಸಮುದ್ರ ವ್ಯಾಪ್ತಿ ಯಲ್ಲಿ ಬರುವ ಬಂದರು ನಗರ. ಇದೇ ಸ್ಥಳದಿಂದ ಉತ್ತರ ಕೊರಿಯಾ ಹಲವು ಬಾರಿ ಅತ್ಯಾಧುನಿಕ ಕ್ಷಿಪಣಿಗಳ ಪರೀಕ್ಷಾರ್ಥ ಉಡಾವಣೆ ನಡೆಸಿತ್ತು.
ಈ ನಡುವೆ ಪರಮಾಣು ಶಸ್ತ್ರಾಸ್ತ್ರ ಹೊಂದಿರುವೆ ಎಂದು ಹೇಳಿಕೊಳ್ಳುವ ಉತ್ತರ ಕೊರಿಯಾ ಮೇಲೆ ದಿಗ್ಬಂಧನ ಹೇರಲು ಅಮೆರಿಕ ಸರಕಾರ ಚೀನ ಮೂಲಕ ಯತ್ನಿಸುತ್ತಿದೆ ಎಂದು ಬಿಬಿಸಿ ವರದಿ ಮಾಡಿದೆ. ಇದೇ ವೇಳೆ ಉತ್ತರ ಕೊರಿಯಾದ ಇತ್ತೀಚಿನ ಕ್ರಮ ಆತಂಕ ಕಾರಿ ಎಂದು ಅಮೆರಿಕ ಹೇಳಿದೆ.
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.