ತೋಡಾರು ಯೆನೆಪೋಯ: ವಿಟಿಯು ಕಬಡ್ಡಿ

Team Udayavani, Apr 26, 2017, 1:41 PM IST

ಮೂಡಬಿದಿರೆ: ಮಿಜಾರ್‌ ತೋಡಾರ್‌ನ ಯೆನೆಪೋಯ ಎಂಜಿನಿಯರಿಂಗ್‌ ಕಾಲೇಜ್‌ ಮೈದಾನದಲ್ಲಿ ವಿಶ್ವೇಶ್ವರಯ್ಯ ತಾಂತ್ರಿಕ ವಿದ್ಯಾಲಯ, ಬೆಳಗಾವಿ ಮತ್ತು ಯೆನೆಪೋಯ ಎಂಜಿನಿಯರಿಂಗ್‌ ಕಾಲೇಜಿನ ಸಹಭಾಗಿತ್ವದಲ್ಲಿ 2 ದಿನ ನಡೆಯುವ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾನಿಲಯದ ಅಂತರ್‌ವಲಯ ಮಹಿಳೆಯರು ಹಾಗೂ ಪುರುಷರ ಮತ್ತು ಮಂಗಳೂರು ವಲಯ ಮಟ್ಟದ ಪುರುಷರ ಕಬಡ್ಡಿ ಪಂದ್ಯಾಟವನ್ನು ಯೆನೆಪೋಯ ಗ್ರೂಪ್‌ ನಿರ್ದೇಶಕ ಯೆನೆಪೋಯ ಅಬ್ದುಲ್ಲಾ ಜಾವೇದ್‌ ಉದ್ಘಾಟಿಸಿದರು.

ಯೆನೆಪೋಯ ಎಂಜಿನಿಯರಿಂಗ್‌ ಕಾಲೇಜಿನ ಪ್ರಾಚಾರ್ಯ ಡಾ| ಆರ್‌.ಜಿ. ಡಿ’ಸೋಜಾ ಅಧ್ಯಕ್ಷತೆ ವಹಿಸಿದ್ದರು. ಪಂದ್ಯಾಟದ ನಿರ್ದೇಶಕ, ಕಾಲೇಜಿನ ಆಡಳಿತಾಧಿಕಾರಿ ಅಶೋಕ್‌ ಶೆಟ್ಟಿ ಅತಿಥಿಗಳಿಗೆ ಕ್ರೀಡಾಪಟುಗಳನ್ನು ಪರಿಚಯಿಸಿದರು. ಉಪನ್ಯಾಸಕಿ ಪ್ರಜ್ಞಾ ಉಪಾಧ್ಯ ನಿರೂಪಿಸಿದರು. ದೈಹಿಕ ಶಿಕ್ಷಣ ನಿದೇರ್ಶಕ ಲೋಕೇಶ್‌ ವಂದಿಸಿದರು.