ಬಿಜೆಪಿ ಗೊಂದಲ ಶೀಘ್ರ ಪರಿಹಾರ: ಶೋಭಾ ಕರಂದ್ಲಾಜೆ

Team Udayavani, May 1, 2017, 4:01 PM IST

ಮಂಗಳೂರು: ಪಕ್ಷ,ಕಾರ್ಯಕರ್ತರ ಹಿತದೃಷ್ಟಿಯಿಂದ ಪ್ರಸ್ತುತ ರಾಜ್ಯ ಬಿಜೆಪಿಯಲ್ಲಿ ಕಾಣಿಸಿಕೊಂಡಿರುವ ಗೊಂದಲ ಬೇಗನೆ ಬಗೆಹರಿಯಬೇಕು ಎಂದು ಅಭಿಪ್ರಾಯ ಪಟ್ಟಿರುವ ಸಂಸದೆ ಹಾಗೂ ಮಾಜಿ ಸಚಿವೆ ಶೋಭಾ ಕರಂದ್ಲಾಜೆ, ಕೇಂದ್ರ ನಾಯಕರು ಸಮಸ್ಯೆಯನ್ನು ಶೀಘ್ರ ಪರಿಹರಿಸ ಲಿದ್ದಾರೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು. 

ಮಂಗಳೂರಿನಲ್ಲಿ ಸುದ್ದಿಗಾರ ರೊಂದಿಗೆ ಮಾತನಾಡಿದ ಅವರು,ರಾಜ್ಯದಲ್ಲಿ ಬಿಜೆಪಿ ಪ್ರಾಬಲ್ಯ ಪಡೆಯುತ್ತಿದ್ದು ಮುಂದಿನ ಚುನಾವಣೆಯಲ್ಲಿ ಅಧಿಕಾರಕ್ಕೆ ಬರುವ ಅವಕಾಶ ಗಟ್ಟಿಯಾಗಿದೆ. ಈ ಕಾಲಘಟ್ಟದಲ್ಲಿ ಗೊಂದಲಗಳು ಕಾಣಿಸಿಕೊಳ್ಳುವುದು ಸರಿಯಲ್ಲ. ಒಗ್ಗಟ್ಟು ಕಾಯ್ದು ಕೊಳ್ಳುವುದು ಅವಶ್ಯ ಎಂದರು.

ಹೊಸದಿಲ್ಲಿಯಲ್ಲಿ ಪ್ರಕ್ರಿಯೆಗಳು ನಡೆಯುತ್ತಿದ್ದು ಪ್ರಧಾನಿ ನರೇಂದ್ರ ಮೋದಿ, ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಅಮಿತ್‌ ಶಾ ಸೂಕ್ತ ಪರಿಹಾರ ಸೂಚಿ ಸಲಿದ್ದಾರೆ ಎಂದವರು ಹೇಳಿದರು. ಪಕ್ಷದೊಳಗೆ ನಾಯಕರ ನಡುವೆ ಪ್ರಸ್ತುತ ನಡೆಯುತ್ತಿರುವ ಆರೋಪ ಪ್ರತ್ಯಾರೋಪಗಳ ಕುರಿತು ಸುದ್ದಿಗಾರರ ಪ್ರಶ್ನೆಗೆ ಉತ್ತರಿಸಿದ ಶೋಭಾ ಅವರು, ಸಮಸ್ಯೆಗಳು ಕಾಣಿಸಿ ಕೊಂಡಾಗ ಆರೋಪ – ಪ್ರತ್ಯಾರೋಪಗಳು ಬರುತ್ತವೆ. ಸಮಸ್ಯೆ ಬಗೆಹರಿದಾಗ ಎಲ್ಲವೂ ಶಮನಗೊಳ್ಳುತ್ತದೆ ಎಂದರು.