ಅಬುಧಾಬಿ ಆಸ್ಪತ್ರೆಗೆ ಸೇರಿದ ಎಮಾನ್‌ಗೆ ಬಾಕಿ ಇದೆ 1 ವರ್ಷದ ಚಿಕಿತ್ಸೆ

Team Udayavani, May 5, 2017, 12:38 PM IST

ದುಬೈ : ವಿಶ್ವದ ಅತೀ ಭಾರದ ಮಹಿಳೆ ಎಂದು ನಂಬಲಾಗಿರುವ ಈಜಿಪ್ಟ್ ನ ಎಮಾನ್‌ ಅಹ್ಮದ್‌ ಅವರನ್ನು ಅಬುಧಾಬಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. 

ಅಲ್ಲಿ ಆಕೆ ದೀರ್ಘಾವಧಿಯ ಮಾನಸಿಕ ಹಾಗೂ ದೈಹಿಕ ಪುನರ್‌ವಸತಿ ಶುಶ್ರೂಷೆಗೆ ಒಳಪಡಲಿದ್ದಾರೆ. ಭಾರತದಲ್ಲಿ ಅತ್ಯಂತ ಕ್ಷಿಪ್ರಗತಿಯಲ್ಲಿ  ಅತ್ಯಾಧುನಿಕ ಚಿಕಿತ್ಸಾ ವಿಧಾನಗಳ ಮೂಲಕ 323 ಕೆಜಿ ತೂಕವನ್ನು ಕಳೆದುಕೊಂಡಿದ್ದ  ಕಾರಣ ಆಕೆಗೆ ದೀರ್ಘಾವಧಿಯ ಪುನರ್‌ವಸತಿ ಚಿಕಿತ್ಸೆ ಅಗತ್ಯವಿದೆ ಎಂದು ಮೂಲಗಳು ತಿಳಿಸಿವೆ. 

ಮುಂಬಯಿಯಲ್ಲಿ  ಕಳೆದ ಫೆಬ್ರವರಿ ತಿಂಗಳಲ್ಲಿ  ಯಶಸ್ವೀ ಶಸ್ತ್ರ ಚಿಕಿತ್ಸೆಯ ಮೂಲಕ 323 ಕೆಜಿ ತೂಕವನ್ನು ಕಳೆದುಕೊಂಡಿದ್ದ  37ರ ಹರೆಯದ ಎಮಾನ್‌ ಅಹ್ಮದ್‌ ಚಿಕಿತ್ಸೆಗೆ ಮೊದಲು 500 ಕೆಜಿ ತೂಕವನ್ನು ಹೊಂದಿದ್ದರು.

ಎಮಾನ್‌ ಅಹ್ಮದ್‌ ಅವರ ಈಗಿನ ದೇಹ ತೂಕ 176.6 ಕೆಜಿ ಇದೆ. ಅಬುಧಾಬಿಯ ಬುರ್‌ಜೀಲ್‌ ವಿಪಿಎಸ್‌ ಆಸ್ಪತ್ರೆಯಲ್ಲಿ ಎಮಾನ್‌ ಕನಿಷ್ಠ ಒಂದು ವರ್ಷ ಅವಧಿಯ ಫಿಸಿಯೋಥೆರಪಿ ಚಿಕಿತ್ಸೆಗೆ ಒಳಗಾಗಲಿದ್ದಾರೆ.