ರೇಶನ್‌ ಕಾರ್ಡ್‌ಗೆ ಆಧಾರ್‌ ಜೋಡಣೆ; 14,000 ಕೋಟಿ ಉಳಿತಾಯ:ಪಾಸ್ವಾನ್‌

Team Udayavani, May 5, 2017, 3:27 PM IST

ಹೊಸದಿಲ್ಲಿ : ರೇಶನ್‌ ಕಾರ್ಡ್‌ಗಳಿಗೆ ಆಧಾರ್‌ ನಂಬರನ್ನು ಜೋಡಿಸುವ ಮೂಲಕ ಸರಕಾರ 14,000 ಕೋಟಿ ರೂ. ಉಳಿಸಿದೆ ಎಂದು ಕೇಂದ್ರ ಸಚಿವ ರಾಮ್‌ ವಿಲಾಸ್‌ ಪಾಸ್ವಾನ್‌ ಹೇಳಿದ್ದಾರೆ. 

ದೇಶದಲ್ಲೀಗ 18 ಕೋಟಿ ರೇಶನ್‌ ಕಾರ್ಡುಗಳನ್ನು ಆಧಾರ್‌ ಕಾರ್ಡ್‌ಗಳೊಂದಿಗೆ ಜೋಡಿಸಲಾಗಿದೆ. ಇದರಿಂದ ಬೋಗಸ್‌ ರೇಶನ್‌ ಕಾರ್ಡುಗಳನ್ನು  ಕಿತ್ತೆಸೆಯಲಾಗಿದ್ದು ಆ ಮೂಲಕ ಸರಕಾರಕ್ಕೆ 14,000 ಕೋಟಿ ರೂ. ಉಳಿತಾಯವಾಗಿದೆ ಎಂದು ಕೇಂದ್ರ ಆಹಾರ ಸಚಿವರಾಗಿರುವ ಪಾಸ್ವಾನ್‌ ಇಲ್ಲಿ ನಡೆದ ಇಂಡಿಯಾ ಇಂಟಿಗ್ರೇಟೆಡ್‌ ಟ್ರಾನ್ಸ್‌ಪೊàರ್ಟ್‌ ಆ್ಯಂಡ್‌ ಲಾಜಿಸ್ಟಿಕ್ಸ್‌ ಶೃಂಗ ಸಭೆಯಲ್ಲಿ ಹೇಳಿದರು. 

ಪಡಿತರ ಸೋರಿಕೆಯನ್ನು ತಡೆಗಟ್ಟಲು ಸರಕಾರ ಸಾರ್ವಜನಿಕ ಪಡಿತರ ವಿತರಣ ವ್ಯವಸ್ಥೆಯನ್ನು ಕಂಪ್ಯೂಟರೀಕರಿಸಲು ಉದ್ದೇಶಿಸಿದೆ. ಈ ನಿಟ್ಟಿನಲ್ಲಿ ಎಲ್ಲ ನ್ಯಾಯ ಬೆಲೆ ಅಂಗಡಿಗಳಲ್ಲಿ ಇಲೆಕ್ಟ್ರಾನಿಕ್‌ ಪಾಯಿಂಟ್‌ ಆಫ್ ಸೇಲ್‌ (ಇಪಿಓಎಸ್‌) ಉಪಕರಣಗಳನ್ನು ಅಳವಡಿಸಲಿದೆ ಎಂದವರು ಹೇಳಿದರು. ದೇಶಾದ್ಯಂತ ಪ್ರಕೃತ 5.22 ಲಕ್ಷ ನ್ಯಾಯ ಬೆಲೆ ಅಂಗಡಿಗಳು ಇವೆ ಎಂದವರು ತಿಳಿಸಿದರು.