ಕನಕನಿಗೆ ಸ್ಟೈಲಿಶ್‌ ಸಾಂಗ್‌

Team Udayavani, May 10, 2017, 11:20 AM IST

ಆರ್‌.ಚಂದ್ರು ನಿರ್ಮಾಣ, ನಿರ್ದೇಶನದ ದುನಿಯಾ ವಿಜಯ್‌ ಅಭಿನಯದ “ಕನಕ ‘ ಚಿತ್ರದ ಚಿತ್ರೀಕರಣ ಭರದಿಂದ ಸಾಗುತ್ತಿದೆ. ಇದೀಗ ವಿಶೇಷವಾದ ಹಾಡೊಂದನ್ನು ಅದ್ಧೂರಿಯಾಗಿ ಚಿತ್ರೀಕರಿಸಿಕೊಂಡಿದ್ದಾರೆ. ಇದು 25 ಫೈಟರುಗಳು ಸೇರಿದಂತೆ ನೂರು ಮಂದಿ ಡ್ಯಾನ್ಸರ್‌ಗಳನ್ನು ಒಳಗೊಂಡು ಮಾಡಿರುವ ವಿಶಿಷ್ಟವಾದ ವಾರಿಯರ್‌ ಶೈಲಿಯ ಹಾಡನ್ನು ಚಿತ್ರೀಕರಿಸಲಾಗಿದೆ. 

 ಈ ಹಾಡು ದೇವನಹಳ್ಳಿ ಬಳಿ ಹದಿನೈದೆಕರೆಯಷ್ಟು ವಿಶಾಲವಾದ ಕೆಂಪು ಹುಡಿ ಮಣ್ಣಿನ ಪ್ರದೇಶದಲ್ಲಿ ಚಿತ್ರೀಕರಣಗೊಂಡಿದೆ. ಮುರಳಿ ನೃತ್ಯ ನಿರ್ದೇಶನದ ಈ ವಿಶೇಷ ಹಾಡಿನ ಚಿತ್ರೀಕರಣದಲ್ಲಿ ವಿಜಯ್‌ ವಿಭಿನ್ನ ಹಾಡಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಮುಂಬೈಯ ಡ್ಯಾನ್ಸರ್, ಹತ್ತಾರು ಜನ ಬಾಡಿಗಾರ್ಡ್ಸ್‌, ಬೌನ್ಸರ್‌ಗಳು ಈ ಹಾಡಿನಲ್ಲಿ ಪಾಲ್ಗೊಂಡಿದ್ದಾರೆ.

ಈ ಹಾಡಿಗಾಗಿ 20ಲಕ್ಷ ರುಪಾಯಿ ವೆಚ್ಚದಲ್ಲಿ ವಿಶೇಷವಾದ ಕಾಸ್ಟೂಮ್‌ಗಳನ್ನು ಚೆನ್ನೈನಲ್ಲಿ ಸಿದ್ದಪಡಿಸಲಾಗಿದೆ.  ಸತ್ಯ ಹೆಗ್ಡೆ ಅವರ ಛಾಯಾಗ್ರಹಣವಿರುವ ಈ ಚಿತ್ರಕ್ಕೆ ನವೀನ್‌ ಸಜ್ಜು ಸಂಗೀತ ನೀಡಿದ್ದಾರೆ. ಹರೀಶ್‌ ಸಂಕಲನ, ಮುರಳಿ, ಹರ್ಷ, ಇಮ್ರಾನ್‌ ನƒತ್ಯ ನಿರ್ದೇಶನ ಹಾಗೂ ಥ್ರಿಲ್ಲರ್‌ ಮಂಜು, ರವಿವರ್ಮ, ಡಿಫ‌ರೆಂಟ್‌ ಡ್ಯಾನಿ ಅವರ ಸಾಹಸ ನಿರ್ದೇಶನವಿದೆ.