ಈ ವರ್ಷ ಯಾವುದೇ ಹೊಸ ಬಿಎಡ್‌ ಕಾಲೇಜು ಇಲ್ಲ : ಜಾವಡೇಕರ್‌

Team Udayavani, May 16, 2017, 5:16 PM IST

ಹೊಸದಿಲ್ಲಿ : ಈ ವರ್ಷ ಯಾವುದೇ ಹೊಸ ಬಿಎಡ್‌ ಕಾಲೇಜು ಆರಂಭಿಸುವುದಕ್ಕೆ ಅವಕಾಶ ನೀಡಲಾಗದು ಎಂದು ಕೇಂದ್ರ ಸರಕಾರ ಹೇಳಿದೆ. ದೇಶದಲ್ಲಿನ ಶಿಕ್ಷಕ ತರಬೇತಿ ವಿದ್ಯಾಲಯಗಳ ಶೈಕ್ಷಣಿಕ ಗುಣಮಟ್ಟ ಕುಸಿಯುತ್ತಿರುವ ಬಗ್ಗೆ ಸರಕಾರ ಕಳವಳ ವ್ಯಕ್ತಪಡಿಸಿದೆ. 

ಮಾಧ್ಯಮದೊಂದಿಗೆ ಮಾತನಾಡಿದ ಕೇಂದ್ರ ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವ ಪ್ರಕಾಶ್‌ ಜಾವಡೇಕರ್‌ ಅವರು, “ಈ ವರೆಗೆ ಬಿಎಡ್‌ ಕಾಲೇಜುಗಳನ್ನು ರಾತ್ರಿ ಬೆಳಗಾಗುವುದರೊಳಗೆ ಆರಂಭಿಸಲಾಗುತ್ತಿತ್ತು. ಅಂತೆಯೇ ನೀವು ಇವತ್ತು ದುಡ್ಡು ಕೊಡಿ; ನಾಳೆ ಡಿಗ್ರಿ ಪಡೆದುಕೊಂಡು ಹೋಗಿ ಎಂಬ ರೀತಿಯಲ್ಲಿ ಅವು ಕಾರ್ಯಾಚರಿಸುತ್ತಿದ್ದವು’ ಎಂದು ಹೇಳಿದರು.

“ಈಗ ಸರಕಾರ ಶಿಕ್ಷಣ ತರಬೇತಿ ಗುಣಮಟ್ಟವನ್ನು ಹೆಚ್ಚಿಸಲು ನಿರ್ಧರಿಸಿರುವುದರಿಂದ ಈ ಹಿಂದಿನಂತೆಲ್ಲ ಬೇಕಾಬಿಟ್ಟಿ ಬಿಎಡ್‌ ಕಾಲೇಜುಗಳನ್ನು ತೆರೆಯುವುದಕ್ಕೆ ಅವಕಾಶ ನೀಡಲಾಗದು. ಅಂತೆಯೇ ಈ ವರ್ಷ ಯಾವುದೇ ಹೊಸ ಬಿಎಡ್‌ ಕಾಲೇಜುಗಳನ್ನು ತೆರೆಯುವುದಕ್ಕೆ ಅನುಮತಿ ನೀಡೆವು’ ಎಂದು ಜಾವಡೇಕರ್‌ ಹೇಳಿದರು.