ವಿಶ್ವಸಂಸ್ಥೆ ಗಮನಿಸುತ್ತಿದೆ ಭಾರತ-ಪಾಕ್‌ ಉದ್ವಿಗ್ನತೆ: ಡ್ಯುಜಾರಿಕ್‌

Team Udayavani, May 17, 2017, 11:38 AM IST

ವಿಶ್ವಸಂಸ್ಥೆ : ಭಾರತ ಮತ್ತು ಪಾಕಿಸ್ಥಾನ ನಡುವಿನ ಉದ್ವಿಗ್ನತೆಯನ್ನು ವಿಶ್ವಸಂಸ್ಥೆಯು ಅತ್ಯಂತ ನಿಕಟವಾಗಿ ಗಮನಿಸುತ್ತಿದೆ ಎಂದು ವಿಶ್ವಸಂಸ್ಥೆಯ ಮಹಾ ಕಾರ್ಯದರ್ಶಿ ಅಂಟೋನಿಯೋ ಗುಟೆರಿಸ್‌ ಹೇಳಿದ್ದಾರೆ.

ದಕ್ಷಿಣ ಏಶ್ಯದ ಈ ಎರಡು ನೆರೆಕರೆಯ ದೇಶಗಳು ತಮ್ಮೊಳಗಿನ ಯಾವತ್ತೂ ಭಿನ್ನಾಭಿಪ್ರಾಯ, ಭಿನ್ನಮತ, ಗಡಿ ವಿವಾದ ಮುಂತಾದವುಗಳನ್ನು ಪರಸ್ಪರ ಮಾತುಕತೆಯ ಮೂಲಕ ಶಾಂತಿಯುತವಾಗಿ ಪರಿಹರಿಸಿಕೊಳ್ಳುವ ಅಗತ್ಯವಿದೆ ಎಂದು ಗುಟೆರಿಸ್‌ ಹೇಳಿದ್ದಾರೆ. 

ಭಾರತ – ಪಾಕ್‌ ನಡುವಿನ ಬಿಕ್ಟಟ್ಟು, ಉದ್ವಿಗ್ನತೆಗೆ ವಿಶ್ವ ಸಂಸ್ಥೆ ಮಹತ್ವ ಕೊಡುತ್ತಿಲ್ಲ ಅಥವಾ ಹಾಗೆ ಮಾಡಲು ಅದು ನಿರಾಕರಿಸುತ್ತಿದೆ ಎಂಬ ಆರೋಪವನ್ನು ಗುಟೆರಿಸ್‌ ವಕ್ತಾ ಡ್ಯುಜಾರಿಕ್‌ ಅವರು ದೈನಂದಿನ ಪತ್ರಿಕಾ ಗೋಷ್ಠಿಯಲ್ಲಿ ಮಾತನಾಡುತ್ತಾ ಹೇಳಿದರು. 

ಇತಿಹಾಸದ ಒಬ್ಬ ಒಳ್ಳೆಯ ವಿದ್ಯಾರ್ಥಿಯಾಗಿರುವ ವಿಶ್ವಸಂಸ್ಥೆಯ ಮಹಾಕಾರ್ಯದಶಿ ಗುಟೆರಿಸ್‌ ಅವರು ಭಾರತ ಪಾಕ್‌ ನಡುವಿನ ಬಿಕ್ಕಟ್ಟು ಮತ್ತು ಉದ್ವಿಗ್ನತೆಯನ್ನು ನಿಕಟವಾಗಿ ಗಮನಿಸುತ್ತಿದ್ದು ಇದೇ ಬಗೆಯ ಸನ್ನಿವೇಶಗಳಿರುವ ವಿಶ್ವದ ಇತರೆಡೆಯಲ್ಲಿ ಬೆಳವಣಿಗೆಗಳ ಮೇಲೆ ಕೂಡ ಕಣ್ಣಿಟ್ಟಿದ್ದಾರೆ. ಭಾರತ – ಪಾಕ್‌ ನಡುವಿನ ವಿವಾದದ ವಿಷಯವಾಗಿರುವ ಕಾಶ್ಮೀರದ ಬಗ್ಗೆ ಉಭಯ ದೇಶಗಳು ಶಾಂತಿಯುತ ಮಾತುಕತೆಗೆ ಮುಂದಾಗುವುದೇ ಸದ್ಯಕ್ಕಿರುವ ಉಪಾಯವಾಗಿದೆ ಎಂದು ಗುಟೆರಿಸ್‌ ಅಭಿಪ್ರಾಯಪಟ್ಟಿರುವುದಾಗಿ ವಕ್ತಾರ ಡ್ಯುಜಾರಿಕ್‌ ಹೇಳಿದರು.