ಚೇತನ್‌ ಈಗ ಅತಿರಥ

Team Udayavani, May 24, 2017, 11:32 AM IST

ನಿರ್ದೇಶಕ ಮಹೇಶ್‌ ಬಾಬು, “ಆ ದಿನಗಳು’ ಚೇತನ್‌ಗೊಂದು ಸಿನಿಮಾ ಮಾಡುತ್ತಿರುವ ವಿಷಯ ನಿಮಗೆ ಗೊತ್ತೇ ಇದೆ. ಚಿತ್ರೀಕರಣ ಮುಗಿದರೂ ಟೈಟಲ್‌ ಮಾತ್ರ ಫಿಕ್ಸ್‌ ಆಗಿರಲಿಲ್ಲ. ಮಹೇಶ್‌ ಬಾಬು ಟೈಟಲ್‌ಗಾಗಿ ಸಾಕಷ್ಟು ತಲೆಕೆರೆದುಕೊಂಡಿದ್ದು ಉಂಟು. ಕೊನೆಗೂ ಅವರಿಗೊಂದು ಟೈಟಲ್‌ ಹೊಳೆದಿದೆ. ಆದರೆ, ಆ ಟೈಟಲ್‌ ಮಾತ್ರ ಬೇರೆಯವರ ಬ್ಯಾನರ್‌ನಲ್ಲಿ ಇತ್ತು.

ಈಗ ತಾನು ಇಷ್ಟಪಟ್ಟ ಟೈಟಲ್‌ ಅನ್ನು ಪಡೆದಿದ್ದಾರೆ ಮಹೇಶ್‌ ಬಾಬು. ಅದು “ಅತಿರಥ’. ಹೌದು, “ಆ ದಿನಗಳು’ ಚೇತನ್‌ ನಟಿಸುತ್ತಿರುವ ಈ ಚಿತ್ರಕ್ಕೆ “ಅತಿರಥ’ ಎಂದು ಟೈಟಲ್‌ ಇಟ್ಟಿದ್ದಾರೆ ಮಹೇಶ್‌ ಬಾಬು. ಕಥೆಗೆ ಈ ಟೈಟಲ್‌ ತುಂಬಾ ಹೊಂದಿಕೆಯಾಗುವುದರಿಂದ ಬೇರೆ ಬ್ಯಾನರ್‌ನಿಂದ ಕೇಳಿಪಡೆದಿದ್ದಾರೆ.

ಈಗಾಗಲೇ ಚಿತ್ರೀಕರಣ ಮುಗಿಸಿರುವ “ಅತಿರಥ’, ಒಂದು ಸ್ಪೆಷಲ್‌ ಸಾಂಗ್‌ ಬಾಕಿ ಇಟ್ಟಿದೆ. ಸಖತ್‌ ಕಲರ್‌ಫ‌ುಲ್‌ ಆಗಿರುವ ಈ ಹಾಡಿನಲ್ಲಿ ನವನಟಿಯೊಬ್ಬಳು ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ. ಇನ್ನು, ಈ ಚಿತ್ರದಲ್ಲಿ ಲತಾ ಹೆಗಡೆ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಸಾಮಾಜಿಕ ವಿಷಯಗಳನ್ನಿಟ್ಟುಕೊಂಡು ಮಹೇಶ್‌ ಈ ಕಥೆ ಹೆಣೆದಿದ್ದಾರೆ.