24ರ ಯುವತಿಯೊಂದಿಗೆ 40 ರ ವ್ಯಕ್ತಿಯ 2ನೇ ವಿವಾಹ:ವಾರದಲ್ಲೇ ಸೂಸೈಡ್!

Team Udayavani, May 25, 2017, 11:41 AM IST

ದಾವಣಗೆರೆ: ಇಲ್ಲಿನ ಗುಡಾಳು ಗ್ರಾಮದಲ್ಲಿ  ಪ್ರೇಮ ವಿವಾಹವಾಗಿ ವಾರದೊಳಗೆ ವದಂಪತಿಗಳಿಬ್ಬರು ನೇಣಿಗೆ ಶರಣಾಗಿದ್ದು, ಇದರ ಬೆನ್ನಲ್ಲೇ ವ್ಯಕ್ತಿಯ ಮೊದಲ ಪತ್ನಿಯ ಮಗನೂ ನೇಣಿಗೆ ಶರಣಾದ ದಾರುಣ ಘಟನೆ ಗುರುವಾರ ನಡೆದಿದೆ. 

ಆತ್ಮಹತ್ಯೆಗೆ ಶರಣಾದವರು 40 ರ ಹರೆಯದ ನಟರಾಜ್‌, 24 ರ ಹರೆಯದ ಪಲ್ಲವಿ ಮತ್ತು ಪ್ರದೀಪ್‌ (16) ಎನ್ನುವವರಾಗಿದ್ದಾರೆ. 

ನಟರಾಜ್‌ ಮತ್ತು ಪಲ್ಲವಿ ಪರಸ್ಪರ ಪ್ರೀತಿಸಿ ಮನೆಯವರ ವಿರೋಧದ ನಡುವೆಯೂ ವಾರದ ಹಿಂದಷ್ಟೇ ವಿವಾಹವಾಗಿದ್ದರು. ಈ ಬಗ್ಗೆ ಪಲ್ಲವಿ ಮನೆಯವರು ತೀವ್ರ ವಿರೋಧ ವ್ಯಕ್ತಪಡಿಸಿ ಇಬ್ಬರನ್ನೂ ಮನೆಗೆ ಬಂದು ಗಲಾಟೆ ಮಾಡಿದ್ದರು ಎಂದು ವರದಿಯಾಗಿದೆ. 

ಮೂವರು ಮಕ್ಕಳ ತಂದೆ ಯಾಗಿದ್ದ ನಟರಾಜ್‌ ಮೊದಲ ಪತ್ನಿ ತೀರಿಕೊಂಡ ಬಳಿಕ ಪಲ್ಲವಿಯೊಂದಿಗೆ ಪ್ರೇಮಾಂಕುರವಾಗಿತ್ತು ಎನ್ನಲಾಗಿದೆ. 

ಇಬ್ಬರ ದಾಂಪತ್ಯದ ಕುರಿತು ಮನೆಯವರ ತೀವ್ರ ವಿರೋಧದ ಹಿನ್ನಲೆಯಲ್ಲಿ ನೊಂದು ಮರವೊಂದಕ್ಕೆ ಜೊತೆಯಲ್ಲೇ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. 

ದಾವಣಗೆರೆ ಗ್ರಾಮಾಂತರ ಠಾಣಾ ಪೊಲೀಸರು ಸ್ಥಳಕ್ಕಾಗಮಿಸಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರಿಸಿದ್ದಾರೆ.