ಬಿಡಬ್ಲ್ಯುಎಫ್ ಆ್ಯತ್ಲೀಟ್ಸ್‌ ಆಯೋಗದ ಸದಸ್ಯರಾಗಿ ಪಿವಿ ಸಿಂಧು ಆಯ್ಕೆ

Team Udayavani, May 26, 2017, 10:27 AM IST

ಗೋಲ್ಡ್‌ ಕೋಸ್ಟ್‌: ಒಲಿಂಪಿಕ್‌ ಬೆಳ್ಳಿ ಪದಕ ವಿಜೇತೆ ಪಿವಿ ಸಿಂಧು ಅವರು ಬಿಡಬ್ಲ್ಯುಎಫ್ ಆ್ಯತ್ಲೀಟ್ಸ್‌ ಆಯೋಗದ ಓರ್ವ ಸದಸ್ಯೆಯಾಗಿ ಆಯ್ಕೆಯಾಗಿದ್ದಾರೆ.
 
ನಾಲ್ಕು ಸ್ಥಾನಗಳಿಗಾಗಿ ನಡೆದ ಮತದಾನದಲ್ಲಿ 21ರ ಹರೆಯದ ಸಿಂಧು ಗರಿಷ್ಠ ಮತಗಳೊಂದಿಗೆ ಆಯ್ಕೆಗೊಂಡಿದ್ದಾರೆ. 129 ಮತ ಪಡೆದ ಸಿಂಧು ಆಯೋಗಕ್ಕೆ ಆಯ್ಕೆಯಾದ ಮೂವರು ವನಿತೆಯರಲ್ಲಿ ಒಬ್ಬರಾಗಿದ್ದಾರೆ. ಸದಸ್ಯೆಯಾಗಿ ಆಯ್ಕೆ ಮಾಡಿರುವುದು ಖುಷಿ ನೀಡಿದೆ. ಆಯ್ಕೆ ಮಾಡಿರುವುದಕ್ಕೆ ಆಟಗಾರರಿಗೆ ಕೃತಜ್ಞತೆ ಸಲ್ಲಿಸುವೆ. ಇದೊಂದು ನನಗೆ ಸಿಕ್ಕಿದ ಬಲುದೊಡ್ಡ ಜವಾಬ್ದಾರಿ ಮತ್ತು ನನ್ನ ಹೊಸ ಹುದ್ದೆಗೆ ನ್ಯಾಯ ದೊರಕಿಸಿಕೊಡಲು ಪ್ರಯತ್ನಿಸುವೆ ಎಂದು ಸಿಂಧು ಹೇಳಿದ್ದಾರೆ.

ಸಿಂಧು ಅವರಲ್ಲದೇ ಸ್ಕಾಟ್ಲೆಂಡಿನ ಕಿಸ್ಟಿì ಗಿಲ್‌ಮೋರ್‌ ಮತ್ತು ಲಿಥುವಾನಿಯಾದ ಅಕ್ವಿಲೆ ಸ್ಟಪುಸಾಟೈಟ್‌ ಆಯೋಗಕ್ಕೆ ಆಯ್ಕೆಯಾಗಿದ್ದಾರೆ. ಜರ್ಮನಿಯ ಮಾರ್ಕ್‌ ಜ್ವಿàಬ್ಲಿರ್‌ ಸಹಿತ ಸಿಂಧು ಮತ್ತು ಗಿಲ್‌ಮೋರ್‌ ನಾಲ್ಕು ವರ್ಷದ ಅವಧಿಗೆ ಸದಸ್ಯರಾಗಿ ಕರ್ತವ್ಯ ನಿರ್ವಹಿಸಲಿದ್ದಾರೆ.