ಕಾಗಿಸೊ ರಬಾಡ ನಂ.1 ಏಕದಿನ ಬೌಲರ್‌

Team Udayavani, May 31, 2017, 11:00 AM IST

ದುಬಾೖ: ದಕ್ಷಿಣ ಆಫ್ರಿಕಾದ ವೇಗಿ ಕಾಗಿಸೊ ರಬಾಡ ಏಕದಿನ ಕ್ರಿಕೆಟಿನ ನಂಬರ್‌ ವನ್‌ ಬೌಲರ್‌ ಎಂಬ ಹೆಗ್ಗಳಿಕೆ ಯೊಂದಿಗೆ ಚಾಂಪಿಯನ್ಸ್‌ ಟ್ರೋಫಿ ಪಂದ್ಯಾವಳಿಯನ್ನು ಆರಂಭಿಸಲಿದ್ದಾರೆ.

ಲಾರ್ಡ್ಸ್‌ನಲ್ಲಿ ನಡೆದ ಇಂಗ್ಲೆಂಡ್‌ ಎದುರಿನ ಅಂತಿಮ ಏಕದಿನ ಪಂದ್ಯದಲ್ಲಿ 39ಕ್ಕೆ 4 ವಿಕೆಟ್‌ ಹಾರಿಸುವ ಮೂಲಕ ಅವರು ಒಮ್ಮೆಲೇ 4 ಸ್ಥಾನಗಳ ನೆಗೆತ ಕಂಡರು. ತಮ್ಮದೇ ದೇಶದ ಇಮ್ರಾನ್‌ ತಾಹಿರ್‌ ಅವರನ್ನು ದ್ವಿತೀಯ ಸ್ಥಾನಕ್ಕೆ ತಳ್ಳಿದರು.22ರ ಹರೆಯದ ರಬಾಡ ಮೊದಲ ಬಾರಿಗೆ ಏಕದಿನದ ಅಗ್ರಮಾನ್ಯ ಬೌಲರ್‌ ಆಗಿ ಮೂಡಿಬಂದಿರುವುದು ಉಲ್ಲೇ ಖನೀಯ. ಅವರು ಈ ಸ್ಥಾನ ಅಲಂಕ ರಿಸಿದ 2ನೇ ಕಿರಿಯ ಬೌಲರ್‌ ಕೂಡ ಹೌದು. 1988ರಷ್ಟು ಹಿಂದೆ ಪಾಕಿಸ್ಥಾನದ ಸಕ್ಲೇನ್‌ ಮುಷ್ತಾಕ್‌ 21ರ ಹರೆಯದಲ್ಲಿ ನಂ.1 ಎನಿಸಿದ್ದು ದಾಖಲೆ.

ಇಂಗ್ಲೆಂಡ್‌ ಸರಣಿಯಲ್ಲಿ 7 ವಿಕೆಟ್‌ ಕಿತ್ತ ರಬಾಡ ಲಾರ್ಡ್ಸ್‌ನಲ್ಲಿ ಪಂದ್ಯಶ್ರೇಷ್ಠರಾಗಿದ್ದರು. ಏಕದಿನ ಬ್ಯಾಟಿಂಗ್‌ ವಿಭಾಗದಲ್ಲಿ ದಕ್ಷಿಣ ಆಫ್ರಿಕಾದ ಎಬಿ ಡಿ ವಿಲಿಯರ್ ಅಗ್ರಸ್ಥಾನದಲ್ಲಿ ಮುಂದುವರಿದಿದ್ದಾರೆ. ಅಲ್ಲದೇ ದಕ್ಷಿಣ ಆಫ್ರಿಕಾ ನಂ.1 ಏಕದಿನ ತಂಡವೂ ಆಗಿದೆ.