ವಿದೇಶದಲ್ಲಿ ಭರ್ಜರಿ ಹಾಡು

Team Udayavani, Jun 10, 2017, 11:26 AM IST

ಧ್ರುವ ಸರ್ಜಾ ನಾಯಕರಾಗಿರುವ “ಭರ್ಜರಿ’ ಚಿತ್ರ ಮತ್ತೆ ಸುದ್ದಿಯಲ್ಲಿದೆ. ಅದು ಹಾಡಿನ ಚಿತ್ರೀಕರಣ ಮೂಲಕ. ಹೌದು, ನಾನಾ ಕಾರಣಗಳಿಂದಾಗಿ ತಡವಾಗುತ್ತಲೇ ಬಂದ “ಭರ್ಜರಿ’ ಚಿತ್ರೀಕರಣ ಹಾಡಿನ ಚಿತ್ರೀಕರಣ ಈಗ ವಿದೇಶದಲ್ಲಿ ನಡೆಯುತ್ತಿದೆ. ಸ್ಲೊವೇನಿಯಾದ ಸುಂದರ ತಾಣಗಳಲ್ಲಿ ಹಾಡಿನ ಚಿತ್ರೀಕರಣ ನಡೆಯುತ್ತಿದ್ದು, ಹರ್ಷ ನೃತ್ಯ ನಿರ್ದೇಶನ ಮಾಡುತ್ತಿದ್ದಾರೆ.

ಸಾಕಷ್ಟು ಮಂದಿ ವಿದೇಶಿ ಡ್ಯಾನ್ಸರ್ ಕೂಡಾ ಈ ಹಾಡಿನಲ್ಲಿ ಭಾಗವಹಿಸಿದ್ದಾರೆ. ಧ್ರುವ ಸರ್ಜಾ ಹಾಗೂ ರಚಿತಾ ರಾಮ್‌ ನಟಿಸುತ್ತಿರುವ ಈ ಸಿನಿಮಾವನ್ನು ಚೇತನ್‌ ನಿರ್ದೇಶಿಸುತ್ತಿದ್ದಾರೆ. ಈ ಹಿಂದೆ ಧ್ರುವ ಅವರಿಗೆ “ಬಹದ್ದೂರ್‌’ ಸಿನಿಮಾ ಮಾಡಿದ್ದ ಚೇತನ್‌ ಈಗ ಮತ್ತೂಮ್ಮೆ ಧ್ರುವಗೆ ಸಿನಿಮಾ ಮಾಡುತ್ತಿದ್ದಾರೆ. ಈ ಚಿತ್ರವನ್ನು ಆರ್‌.ಎಸ್‌.ಪ್ರೊಡಕ್ಷನ್‌ ನಿರ್ಮಿಸುತ್ತಿದೆ.