ಬಳ್ಳಾರಿ ಜೈಲಿನಲ್ಲಿ ಪೂಜಾಗಾಂಧಿ!

Team Udayavani, Jun 19, 2017, 11:47 AM IST

ಪೂಜಾಗಾಂಧಿ ಬಳ್ಳಾರಿ ಜೈಲಿನಲ್ಲಿದ್ದಾರೆ. ಅವರ ಜೊತೆ ಇನ್ನೂ ಒಂದಷ್ಟು ಮಂದಿ ಇದ್ದಾರೆ! ಹೀಗೆಂದರೆ ನೀವು ಆಶ್ಚರ್ಯಪಡುವ ಅಗತ್ಯವಿಲ್ಲ. ಪೂಜಾಗಾಂಧಿ ಜೈಲಿನೊಳಗೆ ಇರೋದು ಸಿನಿಮಾಕ್ಕಾಗಿ. ಅದು ಅವರ ಹೊಸ ಸಿನಿಮಾ. ಹೌದು, ಪೂಜಾ ಗಾಂಧಿ “ಉತಾಹಿ’ ಎಂಬ ಸಿನಿಮಾ ನಿರ್ಮಿಸಿ, ಅದರಲ್ಲಿ ನಟಿಸುತ್ತಿರುವ ವಿಚಾರ ನಿಮಗೆ ಗೊತ್ತೇ ಇದೆ.

ಸದ್ಯ ಆ ಚಿತ್ರದ ಚಿತ್ರೀಕರಣ ಬಳ್ಳಾರಿ ಜೈಲಿನಲ್ಲಿ ನಡೆಯುತ್ತಿದೆ. ಚಿತ್ರದ ಕೆಲವು ಪ್ರಮುಖ ದೃಶ್ಯಗಳನ್ನು ಜೈಲಿನಲ್ಲಿ ಚಿತ್ರೀಕರಿಸಿಕೊಳ್ಳಲಾಗುತ್ತಿದೆ. ಪೂಜಾ ಗಾಂಧಿ ಕೂಡಾ ಚಿತ್ರದಲ್ಲಿ ಭಾಗಿಯಾಗಿದ್ದಾರೆ.  ಈ ಚಿತ್ರವನ್ನು ತೆಲುಗಿನ ಜೆ.ಡಿ.ಚಕ್ರವರ್ತಿ ನಿರ್ದೇಶನ ಮಾಡುತ್ತಿದ್ದಾರೆ.

“ಉತಾಹಿ’ ಒಂದು ಲವ್‌ಸ್ಟೋರಿಯಾಗಿದ್ದು, ತುಂಬಾ ದಿನಗಳ ನಂತರ ಲವ್‌ಸ್ಟೋರಿಯಲ್ಲಿ ನಟಿಸುತ್ತಿರುವ ಖುಷಿ ಪೂಜಾ ಗಾಂಧಿಗಿದೆ. ಅಂದಹಾಗೆ, ಪೂಜಾ ಗಾಂಧಿ ನಟಿಸಿರುವ “ದಂಡುಪಾಳ್ಯ-2′ ಚಿತ್ರ ಬಿಡುಗಡೆಗೆ ರೆಡಿಯಾಗಿದೆ. ಚಿತ್ರದ ಬಗ್ಗೆ ಪೂಜಾಗಾಂಧಿ ಸಾಕಷ್ಟು ನಿರೀಕ್ಷೆ ಇಟ್ಟಿದ್ದಾರೆ. ಚಿತ್ರದ ಪ್ರಮೋಶನ್‌ ಜೊತೆಗೆ ತಮ್ಮ ನಿರ್ಮಾಣದ ಸಿನಿಮಾದಲ್ಲೂ ಬಿಝಿಯಾಗಿದ್ದಾರೆ ಪೂಜಾ.