ದಿ ಓವಲ್‌ನಲ್ಲಿ ಪಾರುಲ್‌ ಯಾದವ್‌

Team Udayavani, Jun 19, 2017, 11:50 AM IST

ಆ ಕಡೆ ಪೂಜಾ ಗಾಂಧಿ, ಬಳ್ಳಾರಿ ಜೈಲಿಗೆ ಹೋಗಿ “ಉತಾಹಿ’ ಚಿತ್ರದ ಚಿತ್ರೀಕರಣದಲ್ಲಿ ಭಾಗವಹಿಸುತ್ತಿದ್ದರೆ, ಇನ್ನೊಂದು ಕಡೆ ಪಾರುಲ್‌ ಯಾದವ್‌ ಇಂಗ್ಲೆಂಡ್‌ನ‌ಲ್ಲಿ ಬೀಡುಬಿಟ್ಟಿದ್ದಾರೆ. “ಬಟರ್‌ಫ್ಲೈ’ ಚಿತ್ರದ ಚಿತ್ರೀಕರಣಕ್ಕೆ ಹೋಗಿರಬಹುದು ಎಂದುಕೊಳ್ಳಬೇಡಿ. ಪಾರುಲ್‌ ಹೋಗಿರುವುದು ಶೂಟಿಂಗ್‌ಗಲ್ಲ.

ದಿ ಓವಲ್‌ನಲ್ಲಿ ನಡೆದ ಭಾರತ ಮತ್ತು ಪಾಕಿಸ್ತಾನ ಚ್ಯಾಂಪಿಯನ್ಸ್‌ ಟ್ರೋಫಿ ಫೈನಲ್‌ ನೋಡಲಿಕ್ಕೆ. ಹೌದು, ಭಾನುವಾರ ನಡೆದ ಫೈನಲ್‌ ಪಂದ್ಯವನ್ನು ಎಲ್ಲರೂ ಟಿವಿಯಲ್ಲಿ ಲೈವ್‌ ನೋಡಿದರೆ, ಪಾರುಲ್‌ ಯಾದವ್‌ ನೇರವಾಗಿ ದಿ ಓವಲ್‌ಗೆ ಹೋಗಿ ಫೈನಲ್ಸ್‌ ಪಂದ್ಯವನ್ನು ನೋಡಿದ್ದಾರೆ.

ಈ ಮಧ್ಯೆ “ಬಟರ್‌ಫ್ಲೈ’ ಚಿತ್ರದ ಚಿತ್ರೀಕರಣ ಪ್ರಾರಂಭವಾಗಿದ್ದು ಒಂದೆರೆಡು ದಿನಗಳ ಕಾಲ ಚಿತ್ರೀಕರಣ ಸಹ ನಡೆದಿದೆ. ಈ ಮಧ್ಯೆ ಶೂಟಿಂಗ್‌ಗೆ ಬ್ರೇಕ್‌ ನೀಡಲಾಗಿದ್ದು, ಪಾರುಲ್‌ ವಾಪಸ್ಸು ಬಂದ ನಂತರ ಚಿತ್ರೀಕರಣ ಮತ್ತೆ ಪ್ರಾರಂಭವಾಗಲಿದೆ. “ಬಟರ್‌ಫ್ಲೈ’ ಚಿತ್ರವು ಹಿಂದಿಯ “ಕ್ವೀನ್‌’ನ ರೀಮೇಕ್‌ ಆಗಿದ್ದು, ರಮೇಶ್‌ ಅರವಿಂದ್‌ ನಿರ್ದೇಶಿಸುತ್ತಿದ್ದಾರೆ.