55 ಖಾತೆಗಳ ವಸೂಲಿ ಆಗದ ಸಾಲ ಪ್ರಕರಣ ಪರಿಹರಿಸಿ

Team Udayavani, Jun 23, 2017, 3:45 AM IST

ನವದೆಹಲಿ: ದೇಶದ ಬ್ಯಾಂಕುಗಳಲ್ಲಿನ 55 ಅತಿ ದೊಡ್ಡ ವಸೂಲಾಗದ ಸಾಲ ಪ್ರಕರಣಗಳನ್ನು 6 ತಿಂಗಳ ಒಳಗೆ ಪರಿಹ ರಿಸುವಂತೆ ಬ್ಯಾಂಕುಗಳಿಗೆ ಆರ್‌ಬಿಐ ತಾಕೀತು ಮಾಡಿದೆ. 

ಇಲ್ಲದೇ ಹೋದರೆ, ಅಂತಹ ಪ್ರಕರಣಗಳನ್ನು ದಿವಾಳಿ ಕಾಯ್ದೆ (ಐಬಿಸಿ) ಅಡಿ ಪರಿಗಣಿಸಲು ಶಿಫಾರಸು ಮಾಡುವುದಾಗಿ ಹೇಳಿದೆ. ಆದಷ್ಟು ಬೇಗ ಬ್ಯಾಂಕುಗಳು ಅನುತ್ಪಾದಕ ಆಸ್ತಿಗಳ ಕುರಿತ ನಿರ್ಣಯ ಪ್ರಕ್ರಿಯೆ ಚುರುಕುಗೊಳಿಸಬೇಕು. ಒಂದು ವೇಳೆ ಈ ಬಗ್ಗೆ ತೀರ್ಮಾನಕ್ಕೆ ಬರಲಾಗದಿದ್ದಲ್ಲಿ, ಸಾಲಗಾರರನ್ನು ದಿವಾಳಿ ಎಂದು ಘೋಷಿಸಲು ಮುಂದಾಗಬೇಕು ಎಂದು ಸೂಚಿಸಿದೆ. 

ದೇಶದಲ್ಲಿ ಅನುತ್ಪಾದಕ ಆಸ್ತಿ ಪ್ರಮಾಣ ಇದೀಗ 8 ಲಕ್ಷ ಕೋಟಿ ರೂ.ಗಳಿಗೆ ಏರಿದೆ. ಇದರಲ್ಲಿ 6 ಲಕ್ಷ ಕೋಟಿ ರೂ. ಸಾರ್ವಜನಿಕ ಸ್ವಾಮ್ಯದ ಬ್ಯಾಂಕುಗಳದ್ದಾಗಿದೆ. ಸದ್ಯ ಪತ್ತೆ ಆಗಿರುವ 12 ಪ್ರಕರಣಗಳು 2 ಲಕ್ಷ ಕೋಟಿ ರೂ. ಮೊತ್ತ ದ್ದಾಗಿದ್ದು, ಒಟ್ಟು ಮೊತ್ತದ ಶೇ.25ರಷ್ಟಿವೆೆ. 12 ಅನು ತ್ಪಾದಕ ಆಸ್ತಿ ಪ್ರಕರಣಗಳ ಕುರಿತಂತೆ, ಅವುಗಳನ್ನು ದಿವಾಳಿ ಕಾಯ್ದೆ ಅಡಿ ಶಿಫಾರಸು ಮಾಡಬೇಕೆ ಎಂಬ ಬಗ್ಗೆ ತೀರ್ಮಾ ನಿಸಲು ಆಂತರಿಕ ಸಲಹಾ ಸಮಿತಿಯನ್ನು ಆರ್‌ಬಿಐ ರಚಿಸಿತ್ತು.