ಸಾಂಪ್ರದಾಯಿಕ ಮೀನುಗಾರರಿಗೆ ಸಬ್ಸಿಡಿ ದರದಲ್ಲಿ ಸೀಮೆಎಣ್ಣೆ;ಯುಟಿ ಖಾದರ್

Team Udayavani, Jun 28, 2017, 11:53 AM IST

ಮಂಗಳೂರು:ಸೆಪ್ಟೆಂಬರ್ ತಿಂಗಳಿನಿಂದ ಸಾಂಪ್ರದಾಯಿಕ ಮೀನುಗಾರರು ಬಿಳಿ ಸೀಮೆಎಣ್ಣೆಯನ್ನು ಮುಕ್ತ ಮಾರುಕಟ್ಟೆಯಲ್ಲಿ ಖರೀದಿಸಬಹುದಾಗಿದೆ. ಅಲ್ಲದೆ ಸೀಮೆಎಣ್ಣೆ ಖರೀದಿಸಿದ ಬಿಲ್ ಅನ್ನು ಇಲಾಖೆಗೆ ನೀಡುವ ಮೂಲಕ ಸಬ್ಸಿಡಿ ಹಣವನ್ನು ಮೀನುಗಾರರ ಖಾತೆಗೆ ನೇರವಾಗಿ ಜಮೆ ಮಾಡಲಾಗುವುದು ಎಂದು ಆಹಾರ ಮತ್ತು ನಾಗರಿಕ ಸರಬರಾಜು ಸಚಿವ ಯುಟಿ ಖಾದರ್ ತಿಳಿಸಿದ್ದಾರೆ.

ಇತ್ತೀಚೆಗೆ ಸುದ್ದಿಗಾರರ ಜತೆ ಮಾತನಾಡಿದ ಅವರು,  ಸಾಂಪ್ರದಾಯಿ ಮೀನುಗಾರಿಕಾ ಬೋಟ್ ಗೆ ರಾಜ್ಯ ಸರ್ಕಾರ ತಿಂಗಳಿಗೆ 228 ಲೀಟರ್ ಸೀಮೆಎಣ್ಣೆಯನ್ನು ನೀಡುತ್ತದೆ.  ಮಂಗಳೂರು ಪ್ರದೇಶ ವ್ಯಾಪ್ತಿಯಲ್ಲಿ 1,202 ಯಾಂತ್ರಿಕೃತ ಮೀನುಗಾರಿಕಾ ಬೋಟ್ ಗಳಿವೆ ಎಂದು ಹೇಳಿದರು.

ಮೀನುಗಾರರು ಸೆಪ್ಟೆಂಬರ್ ಬಳಿಕ ನೇರವಾಗಿ ಮಾರುಕಟ್ಟೆಯಲ್ಲಿ ಸೀಮೆಎಣ್ಣೆಯನ್ನು(ಪ್ರತಿ ಲೀಟರ್ ಗೆ 62 ರೂ.) ಖರೀದಿಸಬಹುದಾಗಿದೆ.  ಸೀಮೆಎಣ್ಣೆ ಖರೀದಿಸಿದ ಬಿಲ್ ಅನ್ನು ಬಹುತೇಕವಾಗಿ ಆಹಾರ ಮತ್ತು ನಾಗರಿಕ ಇಲಾಖೆಗೆ ಸಲ್ಲಿಸಬೇಕಾಗುತ್ತದೆ. ಅಲ್ಲಿ ಪ್ರತಿ ಲೀಟರ್ ಮೇಲಿನ 37 ರೂ. ಸಬ್ಸಿಡಿ ಹಣವನ್ನು ಮೀನುಗಾರರ ಖಾತೆಗೆ ಜಮೆ ಮಾಡಲಾಗುತ್ತದೆ.

ಜೂನ್ 1ರಿಂದ ಜುಲೈ 31ರವರೆಗೆ ಮೀನುಗಾರಿಕೆಗೆ ನಿಷೇಧವಿದೆ. ಅಷ್ಟೇ ಅಲ್ಲ ಮೀನುಗಾರಿಕೆಗೆ ಅತೀ ಹೆಚ್ಚಿನ ಸಾಮರ್ಥ್ಯ (10ಎಚ್ ಪಿಗಿಂತ ಹೆಚ್ಚು)ದ ಎಂಜಿನ್ ಹೊಂದಿರುವ ಬೋಟ್ ಅನ್ನು ಮೀನುಗಾರಿಕೆಗೆ ಬಳಸುವುದಕ್ಕೆ ನಿಷೇಧವಿದೆ ಎಂದು ತಿಳಿಸಿದರು.