ಕಲ್ಪಾಕಂನಲ್ಲಿ ಹೈಟೆಕ್‌ ಅಣು ಸ್ಥಾವರ

Team Udayavani, Jul 3, 2017, 3:45 AM IST

ಯೆಕಟೆರಿಂಗ್‌ಬರ್ಗ್‌(ರಷ್ಯಾ): ಚೆನ್ನೈಗೆ ಸಮೀಪದ ಕಲ್ಪಾಕಂನ ಬಂಗಾಳ ಕೊಲ್ಲಿಯಲ್ಲಿ ಸದ್ದಿಲ್ಲದೇ ನಿರ್ಮಾಣಗೊಳ್ಳುತ್ತಿರುವ ಭಾರತದ ಮೊದಲ ಪ್ರೊಟೊ ಟೈಪ್‌ ಫಾಸ್ಟ್‌ ಬ್ರಿàಡರ್‌ ಪರಮಾಣು ವಿದ್ಯುತ್‌ ಸ್ಥಾವರ ಕಾಮಗಾರಿ ಅಂತಿಮ ಹಂತದಲ್ಲಿದೆ. ಭಾರತೀಯ ಪರಮಾಣು ವಿಜ್ಞಾನಿಗಳ ಮಹತ್ವಾಕಾಂಕ್ಷೆಯ ಯೋಜನೆಗಳಲ್ಲಿ ಇದು ಒಂದಾಗಿದ್ದು, 15 ವರ್ಷಗಳಷ್ಟು ಸುದೀರ್ಘ‌ ಸಮಯದಲ್ಲಿ ಸಿದ್ಧಗೊಂಡಿರುವ ಅತ್ಯಾಧುನಿಕ ತಂತ್ರಜ್ಞಾನದ ಸ್ಟೋವ್‌ ನಿರ್ಮಾಣ ಇದಾಗಿದೆ.

ಈ ಬಹುನಿರೀಕ್ಷಿತ ಹಾಗೂ ಭಾರತದ ಹೆಮ್ಮೆಯ ಯೋಜನೆಯನ್ನು “ಅಕ್ಷಯ ಪಾತ್ರ’ ಎಂದೇ ಬಣ್ಣಿಸಲಾಗುತ್ತಿದೆ. ಅತ್ಯಾಧುನಿಕ ತಂತ್ರಜ್ಞಾನದೊಂದಿಗೆ ಭಾರತೀಯ ವಿಜ್ಞಾನಿಗಳೇ ವಿನ್ಯಾಸಗೊಳಿಸಿದ ಫಾಸ್ಟ್‌ ಬ್ರಿàಡರ್‌ ರಿಯಾಕ್ಟರ್‌ ಪ್ರಗತಿಯ ಕುರಿತು ಪರಮಾಣು ಇಲಾಖೆ ಈಗಾಗಲೇ ಪರಿಶೀಲನೆ ನಡೆಸಿದೆ. ಈ ಸ್ಥಾವರದಿಂದ ನಮ್ಮ ಸಾಮರ್ಥ್ಯ ಸಾಬೀತಾಗುವುದು ಮಾತ್ರವಲ್ಲದೆ ಭಾರತ ವಿಶ್ವ ಪರಮಾಣು ಕ್ಷೇತ್ರದಲ್ಲಿ ವಿಶೇಷ ಸ್ಥಾನಮಾನ ಪಡೆದುಕೊಳ್ಳಲಿದೆ’ ಎನ್ನುವುದು ವಿಜ್ಞಾನಿಗಳ ಅಭಿಪ್ರಾಯ.

ಈ ಬಗ್ಗೆ ಪ್ರತಿಕ್ರಿಯಿಸಿದ ವಿಯೆನ್ನಾದ ಅಂತಾರಾಷ್ಟ್ರೀಯ ಪರಮಾಣು ವಿದ್ಯುತ್‌ ಏಜೆನ್ಸಿ ಪ್ರಧಾನ ನಿರ್ದೇಶಕ ಯುಕಿಯಾ ಅಮಾನೋ, “ಫಾಸ್ಟ್‌ ರಿಯಾಕ್ಟರ್‌ಗಳು ಸಾಂಪ್ರ ದಾಯಿಕ ರಿಯಾಕ್ಟರ್‌ಗಳಿಗಿಂತ ಶೇ.70ರಷ್ಟು ಹೆಚ್ಚಿನ ಶಕ್ತಿ ಹೊಂದಿರುತ್ತದೆ. ಸುರಕ್ಷತೆಯ ದೃಷ್ಟಿಯಿಂದಲೂ ಉತ್ತಮವಾಗಿರಲಿದೆ’ ಎಂದಿದ್ದಾರೆ.