ಆಮೆ ಮೊಟ್ಟೆ ತೋರಿಸಿದ್ರೆ 5,000 ಬಹುಮಾನ

Team Udayavani, Jul 4, 2017, 3:45 AM IST

ಥಾಣೆ: ಸಮುದ್ರದ ಆಮೆಗಳು ಎಲ್ಲೆಲ್ಲಿ ಮೊಟ್ಟೆ ಇಟ್ಟಿವೆ ಎಂಬುದನ್ನು ಹುಡುಕಿಕೊಟ್ರೆ, ಅಂಥವರಿಗೆ 5 ಸಾವಿರ ರೂ.ಗಳ ಬಹುಮಾನ!

ಇದೇನು ಆಮೆಗಳೂ ಯಾವುದೋ ಅಪರಾಧ ಮಾಡಿ ತಲೆಮರೆಸಿಕೊಂಡಿವೆಯೇ ಎಂದು ಯೋಚಿಸುತ್ತಿದ್ದೀರಾ? ಖಂಡಿತಾ ಇಲ್ಲ. ಸಮುದ್ರದ ಆಮೆಗಳ ಸಂತತಿಯನ್ನು ಹೆಚ್ಚಿಸುವ ಮತ್ತು ಸಂರಕ್ಷಿಸುವ ಸಲುವಾಗಿ ಮಹಾರಾಷ್ಟ್ರ ಅರಣ್ಯ ಇಲಾಖೆ ಮತ್ತು ವನ್ಯಜೀವಿ ಸಂರಕ್ಷಣಾ ಮತ್ತು ಪ್ರಾಣಿ ಕಲ್ಯಾಣ ಸಂಸ್ಥೆ ಜಂಟಿಯಾಗಿ ಈ ಬಹುಮಾನ ಘೋಷಿಸಿದೆ. ಯಾರು ಮೊಟ್ಟೆ ಹುಡುಕಿಕೊಡುತ್ತಾರೋ ಅವರಿಗೆ 5 ಸಾವಿರ ರೂ. ಬಹುಮಾನ ನೀಡಲಾಗುವುದು ಮಾತ್ರವಲ್ಲ, ಆ ವ್ಯಕ್ತಿಗೆ “ಕಸವ್‌ ಪುರಸ್ಕಾರ್‌’ ನೀಡಿ ಗೌರವಿಸಲಾಗುವುದು ಎಂದೂ ಹೇಳಿವೆ.

ಸಮುದ್ರದ ಆಮೆಗಳು ಮಹಾರಾಷ್ಟ್ರದ ಕಡಲ ಬದಿಗೆ ಬಂದು ಮೊಟ್ಟೆಯಿಡುತ್ತವೆ. ಸ್ಥಳೀಯ ಮೀನುಗಾರರಿಗೆ ಈ ಆಮೆಗಳ ಬಗ್ಗೆ ಹೆಚ್ಚಿನ ಮಾಹಿತಿಯಿದೆ. ಆದರೆ, ಕಳೆದ 8-10 ವರ್ಷಗಳಿಂದ ಆ ಪ್ರದೇಶದಲ್ಲಿ ಒಂದೇ ಒಂದು ಮೊಟ್ಟೆಯೂ ನಮಗೆ ಕಾಣಸಿಕ್ಕಿಲ್ಲ. ಅದಕ್ಕಿಂತ ಮೊದಲು ಭಾರೀ ಸಂಖ್ಯೆಯ ಮೊಟ್ಟೆಗಳು ಸಿಗುತ್ತಿದ್ದವು. ಅದಕ್ಕಾಗಿ ಈ ಬಾರಿ ಬಹುಮಾನ ಘೋಷಿಸಿದ್ದೇವೆ ಎಂದು ದಹಾನು ವಿಭಾಗೀಯ ಅರಣ್ಯಾಧಿಕಾರಿ ನಾನಾಸಾಹೇಬ್‌ ಲಡಾRಸ್‌ ತಿಳಿಸಿದ್ದಾರೆ.