ದೇವಾಡಿಗ ಸಂಘ : ವನ ಮಹೋತ್ಸವ ಮತ್ತು ಸ್ವಚ್ಛತಾ  ಅಭಿಯಾನ

Team Udayavani, Jul 5, 2017, 1:57 PM IST

ಮುಂಬಯಿ: ದೇವಾಡಿಗ ಸಂಘ ಮುಂಬಯಿ ಸಿಟಿ ಪ್ರಾದೇಶಿಕ ಸಮನ್ವಯ ಸಮಿತಿಯ ವತಿಯಿಂದ ಜು. 1ರಂದು ಪರೇಲ್‌ನ ಬೊಯಿವಾಡಾದ  ಬೆಸ್ಟ್‌ ಕಾಲನಿಯ  ಪರಿಸರದಲ್ಲಿ  ಬೆಸ್ಟ್‌ ಕಾರ್ಯಕರ್ತರೊಂದಿಗೆ ಜಂಟಿಯಾಗಿ ವನ ಮಹೋತ್ಸವ ಮತ್ತು ಸ್ವಚ್ಛತಾ ಅಭಿಯಾನ ಕಾರ್ಯಕ್ರಮ ನಡೆಯಿತು.

ಜುಲೈನಿಂದ ಪ್ರಾರಂಭಗೊಡ ವನ ಮಹೋತ್ಸವ ಸಪ್ತಾಹವು  ಮುಂಬಯಿ ಮಾಜಿ ಮೇಯರ್‌ ಶ್ರದ್ಧಾ ಜಾಧವ್‌  ಅವರ ಸಹಯೋಗದೊದಿಗೆ ಬೆಸ್ಟ್‌ ಕಾಲೊನಿಯ ಪರಿಸರದಲ್ಲಿ ನೂರಾರು ಗಿಡಗಳನ್ನು ನೆಡುವುದರ ಮೂಲಕ ಶುಭಾರಂಭಗೊಂಡಿತು. ಇದೇ ಸಂದರ್ಭದಲ್ಲಿ ಮಾತನಾಡಿದ ಶ್ರದ್ಧಾ ಜಾಧವ್‌ ಅವರು, ಸ್ವತ್ಛತೆಯನ್ನು ಕಾಪಾಡುವುದು ನಮ್ಮೆಲ್ಲರ ಆದ್ಯ ಕರ್ತವ್ಯ, ಆದಷ್ಟು  ನಮ್ಮ ಮನೆಯ ಪರಿಸರವನ್ನು ಸ್ವತ್ಛವಾಗಿಟ್ಟು ಆರೋಗ್ಯಯುತ ಸಮಾಜ ನಿರ್ಮಾಣ ಮಾಡಿ ದೇಶಸೇವೆ ಮಾಡೋಣ  ಎಂದು ನುಡಿದರು.

ದೇವಾಡಿಗ ಸಂಘದ ಮಾಜಿ ಅಧ್ಯಕ್ಷ ಎಚ್‌. ಮೋಹನ್‌ ದಾಸ್‌ ಮತ್ತು ಸಿಟಿ ಪ್ರಾದೇಶಿಕ ಸಮನ್ವಯ ಸಮಿತಿಯ ಪದಾಧಿಕಾರಿಗಳು ಈ ವೃಕ್ಷಾರೋಹಣ ಮತ್ತು ಸ್ವಚ್ಚತಾ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು. ಶ್ರದ್ಧಾ ಜಾಧವ್‌, ಸಂಘದ ಮಾಜಿ ಅಧ್ಯಕ್ಷ ಎಚ್‌. ಮೋಹನ್‌ದಾಸ್‌, ಸಂಘದ ಜತೆ ಕಾರ್ಯದರ್ಶಿ ಮಾಲತಿ ಮೊಲಿ, ಸಿಟಿ ಪ್ರಾದೇಶಿಕ ಸಮಿತಿಯ ಮಾಜಿ ಕಾರ್ಯಾಧ್ಯಕ್ಷ ಶೇಕರ್‌ ಶೇರಿಗಾರ್‌, ಕಾರ್ಯಾಧ್ಯಕ್ಷ ಹೇಮಂತ್‌ ದೇವಾಡಿಗ ಇವರನ್ನು ಶ್ರೀಫಲ ಮತ್ತು ಪುಷ್ಪಗುತ್ಛವನ್ನಿತ್ತು, ಶಾಲು ಹೊದೆಸಿ  ಗೌರವಿಸಲಾಯಿತು.

ದೇವಾಡಿಗ ಸಂಘ ಮುಂಬಯಿ  ಮಾಜಿ ಕಾರ್ಯಾಧ್ಯಕ್ಷೆ  ಭಾರತಿ ನಿಟ್ಟೇಕರ್‌ ಹಾಗೂ ಸಿಟಿ ಪ್ರಾದೇಶಿಕ ಸಮಿತಿಯ ಕಾರ್ಯಾಧ್ಯಕ್ಷೆ ಗೀತಾ ದೇವಾಡಿಗರು ಉಪಸ್ಥಿತರಿದ್ದರು. ಅಲ್ಲದೆ ಸಂಘದ ಮಹಿಳಾ ವಿಭಾಗದ ಉಪ  ಕಾರ್ಯಾಧ್ಯಕ್ಷೆರಾದ ಸುರೇಖಾ ದೇವಾಡಿಗ ಮತ್ತು ರಂಜಿನಿ ಮೊಲಿ, ಸಿಟಿ ಸಮಿತಿಯ ಮಹಿಳಾ ವಿಭಾಗದ ಕಾರ್ಯದರ್ಶಿ ಸುಜಯಾ ದೇವಾಡಿಗ ಮಮತಾ ದೇವಾಡಿಗ, ಶಶಿಕಲಾ ಮೊಲಿ, ಸರೋಜಿನಿ ದೇವಾಡಿಗ ಮತ್ತು ಸಿಟಿ ಯುವ ವಿಭಾಗದ ಕಾರ್ಯಾಧ್ಯಕ್ಷ ನಿತೇಶ್‌ ದೇವಾಡಿಗ ಇವರುಈ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಕಾರ್ಯಕ್ರಮದ ಯಶಸ್ಸಿಗೆ ಸಹಕರಿಸಿದರು.