ರಸ್ತೆ ನಡುವೆ ಬಿರುಕು: ಹೆಚ್ಚುತ್ತಿದೆ ಅಪಾಯ

Team Udayavani, Jul 9, 2017, 1:25 AM IST

ಮಹಾನಗರ: ನಗರದ ಕಾಂಕ್ರೀಟ್‌ ರಸ್ತೆಗಳ ಮಧ್ಯಭಾಗದಲ್ಲಿ ಉಂಟಾಗಿರುವ ಬಿರುಕಿನಿಂದಾಗಿ ದ್ವಿಚಕ್ರ ವಾಹನ ಸವಾರರು ಬೀಳುವ ಘಟನೆಗಳು ಹೆಚ್ಚುತ್ತಿವೆ. 

ನಗರದ ಲಾಲ್‌ಬಾಗ್‌, ಪಿವಿಎಸ್‌, ಹಂಪನಕಟ್ಟೆ ಮುಂತಾದೆಡೆಗಳಲ್ಲಿ ಕಾಂಕ್ರೀಟ್‌ ರಸ್ತೆಯ ಮಧ್ಯಭಾಗದಲ್ಲಿ  ಉದ್ದಕ್ಕೆ 
ಬಿರುಕು ಕಾಣಿಸಿಕೊಂಡಿದೆ. ಅಲ್ಲದೇ ಈ ಬಿರುಕಿನ ಮಧ್ಯಭಾಗದಲ್ಲಿಯೂ ಸ್ವಲ್ಪ ಖಾಲಿ ಸ್ಥಳ ಇದ್ದು, ಬಿರುಕಿನ ಒಂದು ಭಾಗ ಎತ್ತರ, ಮತ್ತೂಂದು ಭಾಗ ತಗ್ಗು ಇರುವುದರಿಂದ ವೇಗವಾಗಿ ಬರುವ ದ್ವಿಚಕ್ರ ವಾಹನ ಸವಾರರಿಗೆ ಇದು ಕಾಣಿಸದೇ ಬೀಳುವ ಘಟನೆ ಹೆಚ್ಚುತ್ತಿದೆ. 

ಮಳೆ ಬೀಳುತ್ತಿರುವ ಹಿನ್ನೆಲೆಯಲ್ಲಿ ರಸ್ತೆ ಕೂಡ ಜಾರುತ್ತಿದ್ದು, ವಾಹನ ಸವಾರರಿಗೆ ತೊಂದರೆ ತಂದೊಡ್ಡಿದೆ. ನಗರದ ಪಿವಿಎಸ್‌ ಮುಖ್ಯರಸ್ತೆಯಲ್ಲಿ ಶನಿವಾರ ಬೆಳಗ್ಗಿನ ವೇಳೆಗೆ ಈ ಬಿರುಕು ಮೇಲೆ ಸಂಚರಿಸಿದ ನಾಲ್ಕಾರು ಮಂದಿ ಬಿದ್ದ ಘಟನೆಯೂ ನಡೆಯಿತು.