ಕಿನ್ನಿಗೋಳಿ ಇನ್ನರ್‌ವೀಲ್‌ ಕ್ಲಬ್‌ ಪದಗ್ರಹಣ, ಸಾಧಕರಿಗೆ ಸಮ್ಮಾನ

Team Udayavani, Jul 10, 2017, 2:45 AM IST

ಕಿನ್ನಿಗೋಳಿ : ಮಹಿಳೆಯರು ಶೈಕ್ಷಣಿಕವಾಗಿ ಸದೃಢರಾಗಿ ಸಂಘಟನೆಯ ಮೂಲಕ ಬೆಳೆಯಬೇಕು. ಆಗ ಸಮಾಜದಲ್ಲಿ ಉತ್ತಮ ಸ್ಥಾನಮಾನ ಹೊಂದಲು ಸಾಧ್ಯ ಎಂದು ಕಟೀಲು ಪದವಿ ಕಾಲೇಜಿನ ಪ್ರಾಧ್ಯಾಪಕಿ ವನಿತಾ ಶೆಟ್ಟಿ ಹೇಳಿದರು. 
ಅವರು ಜು. 8ರಂದು ಕಿನ್ನಿಗೋಳಿ ರೋಟರಿ ರಜತ ವರ್ಷದ ಸಭಾಭವನದಲ್ಲಿ   ಇನ್ನರ್‌ವೀಲ್‌ ಕ್ಲಬ್‌ನ ನೂತನ   ಪದಾಧಿಕಾರಿಗಳ ಪದಗ್ರಹಣ ಸಮಾರಂಭದಲ್ಲಿ ಮಾತನಾಡಿದರು. ನೂತನ ಅಧ್ಯಕ್ಷೆ ರಾಧಾ ಶೆಣೈ  ಹಾಗೂ ಪದಾಧಿಕಾರಿಗಳು ಅಧಿಕಾರ ಸ್ವೀಕರಿಸಿದರು. ರೋಟರಿ ಕ್ಲಬ್‌ ಅಧ್ಯಕ್ಷೆ ಸೆವ್ರಿನ್‌ ಲೋಬೋ ಶುಭ ಹಾರೈಸಿದರು.
ಸಾಧಕ ಕಾರ್ತಿಕ್‌ ಕಟೀಲು ಅವರನ್ನು ಸಮ್ಮಾನಿಸಲಾಯಿತು. ನಿರ್ಗಮನ ಅಧ್ಯಕ್ಷೆ ವಿಮಲಾ ತ್ಯಾಗರಾಜ್‌ ಸ್ವಾಗತಿಸಿದರು. ನಿರ್ಗಮನ ಕಾರ್ಯದರ್ಶಿ ಸವಿತಾ ಸಂತೋಷ್‌ ವರದಿ ವಾಚಿಸಿದರು. ಕಾರ್ಯದರ್ಶಿ ಶಾರದಮ್ಮ  ಉಪಸ್ಥಿ ತರಿದ್ದರು. ಮಲ್ಲಿಕಾ ಪೂಂಜ  ಕಾರ್ಯಕ್ರಮ ನಿರೂಪಿಸಿದರು.