ಸಾಲ ಬಾಧೆ ತಾಳದೆ ಮೂವರು ರೈತರ ಆತ್ಮಹತ್ಯೆ

Team Udayavani, Jul 10, 2017, 3:00 AM IST

ಬೆಂಗಳೂರು: ಸಾಲ ಬಾಧೆ ತಾಳದೆ ಮಂಡ್ಯ ಜಿಲ್ಲೆಯಲ್ಲಿ ಇಬ್ಬರು ಹಾಗೂ ಚನ್ನಪಟ್ಟಣದಲ್ಲಿ ಓರ್ವ ರೈತ ಆತ್ಮಹತ್ಯೆಗೆ
ಶರಣಾಗಿದ್ದಾರೆ. ಮಂಡ್ಯ ತಾಲೂಕಿನ ದೊಡ್ಡಬಾಣಸವಾಡಿ ಗ್ರಾಮದ ಸುನೀಲ್‌ ಬಾಬು ಜಮೀನಲ್ಲಿ ಕೊರೆಸಿದ್ದ
ಕೊಳವೆ ಬಾವಿ ವಿಫ‌ಲವಾಗಿತ್ತು.

ವ್ಯವಸಾಯಕ್ಕಾಗಿ ಕೃಷಿ ಪತ್ತಿನ ಸಹಕಾರ ಸಂಘ ಸೇರಿ ಖಾಸಗಿಯಾಗಿ 3 ಲಕ್ಷ ರೂ.ವರೆಗೆ ಸಾಲ ಮಾಡಿದ್ದರು. ಮಳವಳ್ಳಿ ತಾಲೂಕಿನ ಅಂಕನಹಳ್ಳಿಯ ಸುರೇಶ್‌ಕುಮಾರ್‌ (36) ತಮ್ಮ ಎರಡೂವರೆ ಎಕರೆ ಜಮೀನಿನಲ್ಲಿ ಕೊರೆಸಿದ್ದ ಕೊಳವೆ ಬಾವಿ ವಿಫ‌ಲವಾಗಿತ್ತು. ಬೆಳೆ ನಷ್ಟವುಂಟಾದ ಕಾರಣ ಜಮೀನಿನಲ್ಲಿ ಮರವೊಂದಕ್ಕೆ ನೇಣು ಬಿಗಿದು ಆತ್ಮಹತ್ಯೆ
ಮಾಡಿಕೊಂಡಿದ್ದಾರೆ.

ಬೆಳೆನಷ್ಟದಿಂದ ವಿಷ ಸೇವಿಸಿದ್ದ ರಾಮನಗರ ಜಿಲ್ಲೆಯ ಚನ್ನಪಟ್ಟಣ ತಾಲೂಕಿನ ಹೊಡಿಕೆಹೊಸಹಳ್ಳಿ ಗ್ರಾಮದ ತಮ್ಮಣ್ಣ (56) ಶನಿವಾರ ತಡರಾತ್ರಿ ಮೃತಪಟ್ಟಿದ್ದಾರೆ. ಇವರು ಸುಮಾರು ಮೂರು ಲಕ್ಷ ರೂ. ಸಾಲ ಮಾಡಿದ್ದರು.