ಮಣಿಪುರ: ಚಂಡಮಾರುತ, ಪ್ರವಾಹ, ಭೂಕುಸಿತ : 131 ಕೋಟಿ ನಷ್ಟ

Team Udayavani, Jul 12, 2017, 4:09 PM IST

ಇಂಫಾಲ : ಕಳೆದ ಮೇ ತಿಂಗಳಾಂತ್ಯದಲ್ಲಿ ಹೊಡೆದ ಮೋರಾ ಚಂಡಮಾರುತದ ಬಳಿಕ ಮಣಿಪುರ ಅನುಭವಿಸಿರುವ ತೀವ್ರ ಮಟ್ಟದ ಪ್ರವಾಹ, ಭೂಕುಸಿತ ಮುಂತಾದ ನೈಸರ್ಗಿಕ ಪ್ರಕೋಪಗಳಿಂದ 131 ಕೋಟಿ ರೂ. ನಷ್ಟವನ್ನು ಅನುಭವಿಸಿದೆ  ಎಂದು ಹಿರಿಯ ಅಧಿಕಾರಿಯೋರ್ವರು ಇಂದಿಲ್ಲಿ ಹೇಳಿದರು. 

ಮೇ ತಿಂಗಳಾಂತ್ಯದ ಮೋರಾ ಚಂಡುಮಾರುತವನ್ನು ಅನುಸರಿಸಿ ಮಣಿಪುರ ತೀವ್ರವಾದ ನೈಸರ್ಗಿಕ ಪ್ರಕೋಪವನ್ನು ಜಡಿ ಮಳೆ, ಭೂಕುಸಿತ ಮತ್ತು ಪ್ರವಾಹದ ರೂಪದಲ್ಲಿ ಅನುಭವಿಸಿದೆ. ಇದರಿಂದಾಗಿ ರಾಜ್ಯದಲ್ಲಿ 131 ಕೋಟಿ ರೂ. ಆಸ್ತಿಪಾಸ್ತಿ ನಷ್ಟ ಉಂಟಾಗಿದೆ ಎಂದು ರಾಜ್ಯದ ಮುಖ್ಯ ಕಾರ್ಯದರ್ಶಿ (ಪರಿಹಾರ ಮತ್ತು ಪ್ರಾಕೃತಿಕ ವಿಕೋಪ ವ್ಯವಸ್ಥಾಪನೆ) ಎಂ ಎಚ್‌ ಖಾನ್‌ ಹೇಳಿದರು. 

ರಾಜ್ಯದ 30,000 ರೈತರು ಪ್ರವಾಹದಿಂದ ಪೀಡಿತರಾಗಿದ್ದಾರೆ; 76 ಪರಿಹಾರ ಶಿಬಿರಗಳನ್ನು ತೆರೆಯಲಾಗಿದೆ ಎಂದವರು ಹೇಳಿದರು.