ಕೋಳಿ ಜಗಳ:ಕೈ ಬೆಂಬಲಿಗರಿಂದ ಹಲ್ಲೆಗೊಳಗಾಗಿದ್ದ ಜೆಡಿಎಸ್‌ ನಾಯಕ ಸಾವು 

Team Udayavani, Jul 13, 2017, 12:01 PM IST

ಮೈಸೂರು: ರಾಜಕೀಯ ವೈಮನಸ್ಸು ಮತ್ತು ಕೋಳಿಯೊಂದರ ವಿಚಾರಕ್ಕೆ ನಡೆದ ಜಗಳ ಜೆಡಿಎಸ್‌ ಮುಖಂಡನೊಬ್ಬನ ಸಾವಿನಲ್ಲಿ ಅಂತ್ಯಗೊಂಡ ಘಟನೆ ಮೈಸೂರಿನಲ್ಲಿ ನಡೆದಿದೆ.

ಜುಲೈ 7 ರಂದು ಬೋರೆ ಆನಂದೂರು ಗ್ರಾಮದಲ್ಲಿ  ಬೈಕ್‌ ಹಾರಿಸಿ ಕೋಳಿಯ ಸಾವಿಗೆ ಕಾರಣವಾದುದಕ್ಕೆ  ಜೆಡಿಎಸ್‌ ಮುಖಂಡ ಮಂಜುನಾಥ್‌ ಅವರು ಕಾಂಗ್ರೆಸ್‌ ನಾಯಕ ರಾಮೇಗೌಡ ಬೆಂಬಲಿಗರಾದ ನಾರಾಯಣ್‌ ಮತ್ತು ಪುನೀತ್‌ ಅವರ ಬಳಿ ದಂಡ ಕಟ್ಟಿಸಿಕೊಂಡಿದ್ದರು. 

ಘಟನೆ ನಡೆದ ಬಳಿಕ ದ್ವೇಷದಲ್ಲಿ ಮಂಜುನಾಥ್‌ ಮೇಲೆ ಮಾರಣಾಂತಿಕ ಹಲ್ಲೆ ನಡೆಸಲಾಗಿತ್ತು. ಗಂಭೀರವಾಗಿ ಗಾಯಗೊಂಡಿದ್ದ ಅವರನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫ‌ಲಕಾರಿಯಾಗದೆ ಗುರವಾರ ಕೊನೆಯುಸಿರೆಳೆದಿರುವ ಬಗ್ಗೆ ವರದಿಯಾಗಿದೆ. 

ಪೊಲೀಸರು ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿದ್ದು ತನಿಖೆ ಮುಂದುವರೆಸಿದ್ದಾರೆ. ಗ್ರಾಮದಲ್ಲಿ ಪೊಲೀಸ್‌ ಭದ್ರತೆ ಬಿಗಿಗೊಳಿಸಲಾಗಿದೆ.