ಯುಪಿ ಅಸೆಂಬ್ಲಿ: ಶಕ್ತಿಶಾಲಿ ಸ್ಫೋಟಕ ಪತ್ತೆ; ಯೋಗಿ ಉನ್ನತ ಮಟ್ಟದ ಸಭೆ

Team Udayavani, Jul 14, 2017, 11:05 AM IST

ಹೊಸದಿಲ್ಲಿ : ಭಾರೀ ಭದ್ರತಾ ವೈಫ‌ಲ್ಯದ ವಿದ್ಯಮಾನವೊಂದರಲ್ಲಿ, ಕಲಾಪ ನಿರತ ಉತ್ತರ ಪ್ರದೇಶ ವಿಧಾನಸಭೆಯೊಳಗೆ ನಿನ್ನೆ ಗುರುವಾರ 60 ಗ್ರಾಮ್‌ ಶಂಕಾಸ್ಪದ ಬಿಳಿ ಬಣ್ಣದ ಪುಡಿ ಪತ್ತೆಯಾಗಿದೆ. 

ವರದಿಗಳ ಪ್ರಕಾರ ಈ ಬಿಳಿ ಪೌಡರ್‌ ಅತ್ಯಂತ ಶಕ್ತಿಶಾಲಿ ಸ್ಫೋಟಕ ವಸ್ತುವಾಗಿರುವ ಪೆಂಟಾಎರಿಥರ್ಟಾಲ್‌ ಟೆಟ್ರಾನೈಟ್ರೇಟ್‌ (ಪಿಇಟಿಎನ್‌) ಎಂದು ಗೊತ್ತಾಗಿದೆ. ಈ ಬಿಳಿ ಪೌಡರ್‌ನ ಪೊಟ್ಟಣವನ್ನು ಶಾಸಕರೋರ್ವರ ಸೀಟಿನಡಿ ಇರಿಸಲಾಗಿತ್ತು. 

ಸ್ಫೋಟ ನಿಗ್ರಹ ದಳದವರು ಶ್ವಾನ ದಳದ ನೆರವಿನೊಂದಿಗೆ ಈ ಅತ್ಯಂತ ವಿನಾಶಕಾರಿ ಸ್ಫೋಟಕ ವಸ್ತುವನ್ನು ಪತ್ತೆ ಹಚ್ಚಿ ವಶಪಡಿಸಿಕೊಂಡರು ಮತ್ತು ಆ ಮೂಲಕ ಭಾರೀ ಅನಾಹುತ ಸಂಭವಿಸುವುದನ್ನು ತಪ್ಪಿಸಿದರು.

ಈ ಘಟನೆಯನ್ನು ಅನುಸರಿಸಿ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌ ಅವರು ಇಂದು ಬೆಳಗ್ಗೆ  ಉನ್ನತ ಮಟ್ಟದ ಸಭೆಯೊಂದನ್ನು ಕರೆದಿದ್ದಾರೆ. 

ಝೀ ನ್ಯೂಸ್‌ ನೊಂದಿಗೆ ಮಾತನಾಡುತ್ತಾ ನವೇದ್‌ ಸಿದ್ದಿಕಿ ಅವರು “ಈ ಸ್ಫೋಟಕ ವಸ್ತುವನ್ನು ವಿರೋಧ ಪಕ್ಷದ ಶಾಸಕರೋರ್ವರ ಸೀಟಿನಡಿ ಇರಿಸಲಾಗಿತ್ತು’ ಎಂದು ಹೇಳಿದರು.