ಪೈಪೋಟಿಯೊಂದಿಗೆ ಸೇವೆಯೂ ಮುಖ್ಯ: ಡಾ| ರಾಜೇಂದ್ರ ಕುಮಾರ್‌

Team Udayavani, Jul 15, 2017, 2:40 AM IST

ಕುಂದಾಪುರ:  ಇಂದಿನ ಆರ್ಥಿಕ ವ್ಯವಸ್ಥೆಯಲ್ಲಿ ಪೈಪೋಟಿ ಇದ್ದರೂ ಸೇವೆಯನ್ನೇ ಪ್ರಧಾನವಾಗಿಟ್ಟುಕೊಂಡ ಸಹಕಾರಿ ಸಂಸ್ಥೆಗಳು ಜಿಲ್ಲೆಯಲ್ಲಿ ಪ್ರಗತಿಯಲ್ಲಿದೆ.  

ಪೈಪೋಟಿಯೊಂದಿಗೆ ಸೇವೆಯತ್ತಲೂ ಹೆಚ್ಚಿನ ಗಮನ ನೀಡಿದಾಗ ಸಂಸ್ಥೆ ಎತ್ತರಕ್ಕೆ ಬೆಳೆಯಲು  ಹಾಗೂ  ಸಹಕಾರಿ ಕ್ಷೇತ್ರದಲ್ಲಿ ಸಮಯ ಪ್ರಜ್ಞೆಯಿಂದ  ಸೇವೆ ಮಾಡಿದ್ದಲ್ಲಿ ಸಂಸ್ಥೆ ಅಭಿವೃದ್ಧಿ ಹೊಂದಲು ಸಾಧ್ಯ. ಈ ನಿಟ್ಟಿನಲ್ಲಿ  ಹೊಸ ವ್ಯವಸ್ಥೆಯೊಂದಿಗೆ ಜನರ ಸೇವೆಗೆ ಮುಂದಾಗಿರುವ ಕುಂದಾಪುರ ತಾಲೂಕು ಕೃಷಿ ಉತ್ಪನ್ನ ಸಹಕಾರ ಮಾರಾಟ ಸಂಘ ಮುಂದಿನ ದಿನಗಳಲ್ಲಿ  ಯಶಸ್ಸನ್ನು ಕಾಣಲಿ ಎಂದು ದ.ಕ. ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕಿನ  ಅಧ್ಯಕ್ಷ  ಡಾ| ಎಂ.ಎನ್‌. ರಾಜೇಂದ್ರ ಕುಮಾರ್‌ ಹೇಳಿದರು.

ಅವರು ಕುಂದಾಪುರ ತಾಲೂಕು ಕೃಷಿ ಉತ್ಪನ್ನ ಸಹಕಾರ ಮಾರಾಟ ಸಂಘ (ನಿ.)  ಇದರ ನವೀಕೃತ ಕೇಂದ್ರ ಕಚೇರಿಯನ್ನು  ಉದ್ಘಾಟಿಸಿ ಮಾತನಾಡಿದರು.

ಮುಖ್ಯ ಅತಿಥಿಗಳಾಗಿ ಬಸೂÅರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಧರ್ಮದರ್ಶಿ ಬಿ. ಅಪ್ಪಣ್ಣ  ಹೆಗ್ಡೆ  ಸಂಸ್ಥೆಗೆ ಶುಭಕೋರಿದರು. ಕುಂದಾಪುರ ತಾಲೂಕು ಕೃಷಿ ಉತ್ಪನ್ನ ಸಹಕಾರ ಮಾರಾಟ ಸಂಘ (ನಿ.)  ಅಧ್ಯಕ್ಷ ಮಲ್ಯಾಡಿ ಮೋಹನ್‌ದಾಸ ಶೆಟ್ಟಿ  ಅಧ್ಯಕ್ಷತೆ ವಹಿಸಿದ್ದರು.

ಮುಖ್ಯ ಅತಿಥಿಗಳಾಗಿ ಜಿಲ್ಲಾ ಸಹಕಾರಿ ಸಂಘಗಳ ಉಪ ನಿಬಂಧಕ ಪ್ರವೀಣ್‌ ಬಿ. ನಾಯಕ್‌, ಸಹಕಾರಿ ಸಂಘಗಳ ಸಹಾಯಕ ನಿಬಂಧಕಿ ಚಂದ್ರ ಪ್ರತಿಮಾ  ಎಂ.ಜೆ., ಮಾಜಿ ಅಧ್ಯಕ್ಷರಾದ ಸಬ್ಲಾಡಿ ಮಂಜಯ್ಯ ಶೆಟ್ಟಿ, ಸುಧಾಕರ ಶೆಟ್ಟಿ, ನೈಲಾಡಿ ಶಿವರಾಮ ಶೆಟ್ಟಿ, ಕೊಲ್ಲೂರು ದೇವಸ್ಥಾನದ ವ್ಯವಸ್ಥಾಪನ ಸಮಿತಿಯ ಸದಸ್ಯ ರಮೇಶ್‌ ಗಾಣಿಗ, ಎಪಿಎಂಸಿ ಅಧ್ಯಕ್ಷ ಶರತ್‌ ಕುಮಾರ್‌ ಶೆಟ್ಟಿ, ಕುಂದಾಪುರ ನಗರ ಪ್ರಾಧಿಕಾರದ ಅಧ್ಯಕ್ಷ  ವಿಕಾಸ್‌ ಹೆಗ್ಡೆ, ಪಿಎಲ್‌ಡಿ ಬ್ಯಾಂಕಿನ ಅಧ್ಯಕ್ಷ ದಿನಕರ ಶೆಟ್ಟಿ,   ಕುಂದಾಪುರ ತಾಲೂಕು ಕೃಷಿ ಉತ್ಪನ್ನ ಸಹಕಾರ ಮಾರಾಟ ಸಂಘ (ನಿ.)  ಇದರ ಉಪಾಧ್ಯಕ್ಷ ಸಂತೋಷ್‌ ಕುಮಾರ್‌ ಶೆಟ್ಟಿ ಹಕ್ಲಾಡಿ, ವ್ಯವಸ್ಥಾಪಕಿ ಐರಿನ್‌ ಡಿ’ಮೆಲ್ಲೋ, ನಿರ್ದೇಶಕರಾದ ಎಸ್‌. ರಾಜು ಪೂಜಾರಿ, ಎಚ್‌. ಮಂಜಯ್ಯ ಶೆಟ್ಟಿ, ಎಚ್‌. ಹರಿಪ್ರಸಾದ್‌ ಶೆಟ್ಟಿ, ಕೆ. ಮೋಹನ ಪೂಜಾರಿ, ಆನಂದ ಬಿಲ್ಲವ, ಭುಜಂಗ ಶೆಟ್ಟಿ, ಎಚ್‌. ಚಂದ್ರಶೇಖರ ಶೆಟ್ಟಿ, ಎಚ್‌. ದಿನಪಾಲ್‌ ಶೆಟ್ಟಿ, ಸತೀಶ್‌. ಎಂ. ನಾಯಕ್‌. ಬಿ. ರಘುರಾಮ ಶೆಟ್ಟಿ  ಉಪಸ್ಥಿತರಿದ್ದರು.

ಪತ್ರಕರ್ತ ಸುಬ್ರಹ್ಮಣ್ಯ ಪಡುಕೋಣೆ ಸ್ವಾಗತಿಸಿ, ಕಾರ್ಯಕ್ರಮ ನಿರ್ವಹಿಸಿದರು. ನಿರ್ದೇಶಕ ಎಸ್‌.ರಾಜು ಪೂಜಾರಿ ವಂದಿಸಿದರು.